Дэлхий дахинд коронавирусний халдварт цар тахал дэлгэрээд даруй таван сарын нүүрийг үзээд байна. Энэ хугацаанд цар тахлын халдвар авч харамсалтайгаар амь насаа алдсан хүмүүсийн тоо баримтыг хэвлэл мэдээллийн хэрэгслүүдээр өдөр тутамд мэдээлэл өгч байсан.
Тэгвэл энэ аймшигт цар тахлаар өвчилсөн ч бүрэн эдгэрч гарсан хүмүүсийн тоо дэлхий даяар 1,907,323 байгаа юм байна. Дээрх судалгааг тавдугаар сарын 19-ний өдрийн 9 цагийн байдлаар хийжээ.
Хятадын Ухань мужаас гаралтай гэгдэх коронавирусний цар тахал дэлхийн 216 улс орон, газар нутагт тархсан байгаа бөгөөд нийт 4,890,544 хүн халдвар авчээ.
Түүнчлэн нийт халдвар авсан хүмүүсийн 2,618,334 нь биеийн байдал хэвийн, тогтвортой эмчилгээ хийлгэж байгаа бол 44,766 нь маш муу байгаа ажээ.
