Дэлхий дахинаа өвчин үхэл, ажилгүйдэл, ядуурал, цөхрөл, шаналлыг авчирсан аюулт цар тахал коронавирусний улмаас олон байгууллага хаалгаа барьж, олон иргэд ажилгүйчүүдийн эгнээнд шилжээд байна.
Үүний нэг жишээ болж Индонезийн үндэсний агаарын тээврийн Гаруда компани коронавирусний халдварын улмаас олон нисэгчээ ажлын байрнаас нь халжээ.
Индонезийн өдөр тутмын мэдээ сайтын мэдээлснээр зургаадугаар сарын нэгний өдөр 150 орчим нисгэгч ажлын байрнаас халагдаад байна.
Уг компани цаашид ажилтнуудаа дахин нэмж цомхтгох бөгөөд энэ цомхотголд дор хаяж 700 нисгэгч хамрагдах тооцоо гарчээ.
Мөн гэрээний дагуу урт хугацаагаар ажиллаж байсан ажилтан ч цомхотголд орно гэдгийг эх сурвалжид тэмдэглэжээ.
