АНУ-ын археологичид Орхон аймгийн нутаг дэвсгэрт орших Айрагийн Гозгор хэмээх газрын хэсэг булшинд малтлага хийх үеэрээ эртний дайчин бүсгүйчүүдийнх байж болзошгүй гэх хоёр эмэгтэйн араг ясыг илрүүлжээ.
Тодруулбал, тэдний яс, булчингийн бүтцийг шинжилж нум сум харвах, морь унах эрдэмд мэргэшсэн хүмүүс байсныг нь тогтоосон байна. Тэд нийтийн тооллын 147-552 онуудад өнөөгийн Монгол улсын нутаг дэвсгэрт оршин тогтнож байсан Сяньби улсын үед амьдарсан байх магадлалтай гэж үзжээ.
Эмэгтэй дайчдын нэг нь 50 орчим настай, нөгөө нь 20 орчим настай хүмүүс байсныг тогтоосон байна. Араг яснуудаас дайны байлдаанаас олсон бэртэл гэмтэл, шархны шинж тэмдэг илрээгүй нь тэдгээр эмэгтэйчүүдийг язгуур угсаатай хүмүүс байсныг байж магадгүй гэж судлаачид онцолж байгаа юм.
