ЭМЯ-ны “Антикорона” баг өдөр бүр салбар салбарын ажил мэргэжил, эрхлэгчдэд зориулан “COVID-19” халдвараас урьдчилан сэргийлэх зөвлөмж боловсруулсаар байгаа билээ. Энэ удаа тус яамнаас гаргасан коронавируст халдварын үед хүнсний дэлгүүр, худалдааны төвд мөрдөх зөвлөмжийг хүргэж байна.
Байгууллагад:
•Өглөө бүр ажилтнуудын биеийн халуун үзэж тэмдэглэх
•Хүн хоорондын зай барих, тэмдэглэгээ хийх
•Лангуу, тэрэг, сагс, хаалга, хөргөгчний бариул, хүнсний хавчаар зэрэг хатуу гадаргууг 1 литр усанд 0.25 мл белизна (хлор агуулсан бодис) хийсэн уусмалаар өдөрт 3-аас доошгүй удаа цэвэрлэж халдваргүйжүүлэх
•Карт уншигч пос машиныг спиртэн суурьтай уусмалаар арчих
•Жимс жимсгэнэ, цагаан идээ зэрэг шууд хэрэглэдэг хүнсний бүтээгдэхүүнийг ил задгай байрлуулахгүй байх
•Амталгаат худалдаа хийхгүй байх
•Бээлий эсвэл хүнсний хавчаар хэрэглэн иргэдэд үйлчлэх
•Сав, баглаа, боодлыг чийгтэй алчуураар арчих
•Спиртэн суурьтай гар халдваргүйжүүлэгч байршуулах
•Агаар сэлгэлт тогтмол хийх
•Белизнагийн уусмалаар тавцан, сандал, цахилгаан шатны бариул, шал зэрэг хатуу гадаргууг өдөрт 3-аас доошгүй удаа арчиж цэвэрлэх
•Ариун цэврийн өрөөнд гар угаах саван, салфетка байрлуулах
•Бие засах газрыг өдөрт 3-аас доошгүй удаа цэвэрлэж халдваргүйжүүлэх (жавелин, хлорсепт)
•Хог хаягдлыг тухай бүр нь зайлуулах
Албан хаагчдад:
•Амны эсвэл нүүрний хаалт зүүх
• Бээлий өмсөх
•Гараа сайтар угаах
•”Ковид-19”-ийн талаар мэдээлэлтэй байх
• Халуурах, ханиах, цээжээр өвдөх зэрэг шинж тэмдэг илэрвэл 119, 80086829 дугаарт хандах
Үйлчлүүлэгч нарт:
•Амны хаалт зүүх
•Гар халдваргүйжүүлэгч, нойтон салфетка авч явах
•Хүн хоорондын 1,5-2 метрийн зай барих
•Хүнсний бүтээгдэхүүнд хүрэхгүй, хүнсний хавчаараар авах
•Амталгаа хийхгүй байх
•Олон бараанд хүрэхгүй байх
•Нүүр, ам, хамартаа бохир гараа хүргэхгүй байх
•Бэлэн мөнгөөр аль болох тооцоо хийхгүй байх
•Сав, баглаа, боодлыг савантай усаар арчиж хэрэглэх
•Хүнсний ногоо, жимс, жимсгэнийг сайтар угааж хэрэглэх
•Гаднах сав, баглаа, боодлыг шууд хаях
• Гараа савандаж угаах
