Нийслэлийн Засаг дарга бөгөөд Улаанбаатар хотын захирагчийн үүрэг гүйцэтгэгч Ж.Батбаясгалан, Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр нар холбогдох байгууллагуудын албан тушаалын дарга, инженерүүдийг байлцуулан Сүхбаатар дүүргийн 13-р хороонд шинээр баригдаж буй Сэлбэ дэд төвийн 28МВт дулааны станцын барилга угсралтын ажлын явцыг шалгалаа. Ажлын явц 65%-ийн гүйцэтгэлтэй байна.
Тус дулааны станцын угсралтын ажил удаашралтай байгаа тул ажлыг эрчимжүүлэх арга хэмжээ авч гүйцэтгэгч Хүрд ХК-д хүн хүчийг нэмэдүүлж төлөвлөсөн хугацаанд нь ашиглалтад оруулах үүрэг чиглэл өглөө. Нийслэлийн Засаг дарга бөгөөд Улаанбаатар хотын захирагчийн үүрэг гүйцэтгэгч, ХЕМ-ийн өгсөн үүргийн дагуу Хүрд ХК-ийн ТУЗ-ийн дарга Б.Мөнхбат хүн хүчийг нэмэгдүүлэн ажлыг эрчимжүүлэн төлөвлөсөн хугацаанд нь оруулах амлалт өгч эхлээгүй 0%-тай байсан ажлуудыг маргаашаас эхлүүлэхээр боллоо.
