Зэвсэгт хүчний 120 дугаар анги “Зэвсэгт хүчний 2019-2020 оны сургуулийн жилийн цэргийн сургалт бэлтгэлийг зохион байгуулах заавар”, ангийн “Сургалтын төлөвлөгөө”-ний дагуу Тийрэлтэт артиллерийн дивизионы сургалт, дадлагыг чанартай явуулж, сургалтын орчин нөхцлийг сайжруулах, бие бүрэлдхүүний мэргэжлийн бэлтгэлийг нэмэгдүүлэх зорилгоор “Дадлагын хотхон”-ыг байгууллаа.
Тус дадлагын хотхонд целийн район, холболтын зураглал бүхий үзүүлэн таниулах материалууд, дивизионы захирагчийн командын хянах байр, хажуугийн хянах байр, хөдөлгөөнт хянах байр, дивизионы гал удирдах байр, батарейнуудын галт байруудыг төхөөрөмжилж, удирдах байруудын хооронд утсан холбоог зохион байгуулжээ.
Дадлагын хотхоныг дэд хурандаа Д.Төмөрхуяг захирагчтай Тийрэлтэт артиллерийн дивизионы хамт олон хийж гүйцэтгэжээ.
