Улсын гуравдугаар төв эмнэлэг зүрх судас, зүрхний мэс засал; мэдрэл, мэдрэлийн мэс засал; харвалт, шигдээсийн тусламж үйлчилгээний гол ачааллыг улсын хэмжээнд хүлээн ажиллаж байгаа аж.
Цар тахлын энэ хүнд цаг үед төв, орон нутгаас илгээж буй зүрх, мэдрэлийн чиглэлийн лавлагаа тусламжийг цаг алдалгүй хүлээн авч, шаардлагатай тусламжийг үзүүлэхэд эрдэнэт хүний амь насыг авран хамгаалан ажиллаж байгаа юм.
Бүх нийтийн бэлэн байдлын зэрэгт шилжсэн, хатуу хөл хорионы энэ цаг үед хот, орон нутгаас илгээж буй зүрхний шигдээс, тархины харвалтын тохиолдлуудыг цаг алдалгүй тус эмнэлэгт хүлээн авч үйлчилж байна.
Тухайлбал 11 дүгээр сарын 10-наас хойш өнөөдрийг хүртэлх хугацаанд зүрхний шигдээсийн-99; харвалтын-41; тохиолдлыг хүлээн авсан төдийгүй зүрх судасны мэс засал-99; мэдрэлийн мэс заслын эмчилгээг 86 иргэнд үзүүлсэн байна. Хатуу хөл хорионы энэ үед тус эмнэлэгт 11 дүгээр сарын 10-наас өнөөдрийг хүртэлх хугацаанд зүрхний титэм судасны оношилгоо-147, Эмчилгээ-97, тархины судсан дотуурх оношилгоо-92; эмчилгээ-25; хэм алдагдлын аблаци эмчилгээ-9; пейсмекер тавих эмчилгээ-24; элэгний хавдрын судас бөглөх эмчилгээ-2; тохиолдол тус тус хийгдсэн байна.
Тус эмнэлэг зүрх, мэдрэлийн ангиографийн болон хэм алдагдлын оношилгоо, эмчилгээний тусламжийн ачааллыг үүрэн ажиллаж байна. 12 дугаар сарын 02-ны өдөр Дархан-Уул аймгаас зүрхний хурц шигдээсийн тохиолдлыг “шууд” шилжүүлгийг хүлээн авч, PCR шинжилгээг хийлгэн баталгаажуулан зүрхний судсан дотуурх ангиографийн оношилгоо эмчилгээний тусламжийг үзүүлэн иргэний амь насыг аварчээ.
Хот, орон нутгийн эмнэлгээс лавлагаа шатлалыг эмнэлэгт шилжүүлж буй өвчтөнөө урьдчилан хэлэлцэж, тохиролцох ялангуяа халдварын голомт бүхий газраас ирэхдээ заавал PCR шинжилгээ хийлгэсэн байх нь зүйтэй юм. Энэ нь яаралтай журмаар үзүүлэх тусламжийг цаг алдалгүй үзүүлэхэд чухал ач холбогдолтой юм.
