Шри Ланкийн Полоннарува тосгоны оршин суугчид сүүлийн өдрүүдэд зааны дайралтаас болж гэр орон, тосгоны ойр орчим эвдэрч сүйрсэн байдалтай амьдрах болжээ. Учир нь тухайн бүс нутагт ой модыг цэвэрлэж устгаж байгаа бөгөөд үүний улмаас хоол хүнсний хомсдолд орсон заан хүмүүс рүү дайрах болсон байна. Одоогоор 50 орчим хүн, 100 орчим заан үрэгджээ. Заан үр тариа идэх дуртай бөгөөд шөнийн цагаар цагаан будаа хадгалсан байшингуудын ханыг нурааж шуудайтай буудайг хулгайлж байгаа аж. Тосгоныхонд засгийн газраас энэ асуудлыг зогсоохоор амалдаг ч одоогоор шийдэл олоогүй байна. Тосгоныхон байшингаа засч янзалдаг ч заанууд ахин эвдэж буудай хулгайлсан хэвээр байгаа тул тэд зааны биед GPS суулгаж, тэднийг хаана явж байгаа талаар хяналт тавьж байхыг хүсчээ.
Хэлтсийн зөвлөлийн гишүүн Гамини тиссакумара – Хигуракгода: "Тариаланчид зааны дайралтаас үүдэлтэй хохирлоо барагдуулахыг хүсдэг. Заан, хүн хоорондын сөргөлдөөнийг шийдэхийн тулд засгийн газраас дэд хороо байгуулан ажиллаж байгаа. "Бид байнга л засгийн газраас, сайд, дарга нараас асуудал шийдэж өгөхийг хүсдэг. Засгийн газрууд солигддог ч бидний асуудал хэвээрээ л үлддэг. Одоогийн засгийн газар ч ялгаагүй шийдэл гаргах шинж алга.
Дэлхийд заан амьдардаг өөр газрууд зөндөө бий. Бид тэр улсууд ийм асуудалд ямар шийдэл гаргадгийг судалж мэдэх хэрэгтэй. Үүний дараа заануудын хүнд учруулж буй хохирлыг багасгах талаар тодорхой арга хэмжээ гаргаж, ажил хэрэг болгомоор байна.“
Ниданвала тосгоны иргэн Суманаратна: "Эрх баригчид биднийг тариа тарихыг тушаадаг. Гэвч байгаль орчны ажилчид цахилгаан хашааг зохих ёсоор нь ажиллуулж чаддаггүй учраас заанууд бидний тариалан, эд хөрөнгийг сүйтгэж байна"
Эх сурвалж: А24 мэдээний агентлаг
