Завхан аймгийн Их –Уул сумын харьяат, Монгол улсын начин Гунгаасамбуугийн Бат-Амгалангийн нэрэмжит Аймаг, цэргийн цолтой болон залуу бөхийн барилдаан боллоо. Барилдааныг Кевико интернэт ХХК ивээн тэтгэж, МҮБХ-той хамтран зохион байгууллаа. Г.Бат-Амгалан начинд нутгийн ахан дүүс, найз нөхөд, үе тэнгийн бөхчүүд зэрэг олон хүмүүс хүндэтгэл үзүүлсэн бөгөөд мөн нутгийн дүү нараас нь Прадо маркийн жип автомашин бэлэглэсэн юм.
Өнөөдрийн барилдаанд АЦЦБЗалуу 224 бөх зодоглосноос Завхан аймгийн Шилүүстэй сумын харьяат, Даян дэвжээний бөх, аймгийн арслан Доржготовын Батбаатар түрүүлж, Увс аймгийн Малчин сумын харьяат, Увснуур дэвжээний бөх, цэргийн начин Тоочингийн Батсүрэн үзүүрлэв. Их шөвөгт Ховд аймгийн Мөнххайрхан сумын харьяат, аймгийн хурц арслан Б.Баянмөнх, Дундговь аймгийн Баянжаргалан сумын харьяат, аймгийн заан Б.Анандпүрэв нар шалгарлаа. Дунд шөвөгт Хөвсгөл аймгийн арслан Э.Баасанжав, Баян-Өлгий аймгийн арслан Э.Тамираа, Дундговь аймгийн арслан Б.Доржсүрэн нар үлдэв.
Уран барилдаан шагналыг Архангай аймгийн Хашаат сумын харьяат, Бөхбилэгт дэвжээний бөх, сумын заан С.Сүхбатад гардууллаа. Тэрээр нэгийн даваанд а.а Г.Бат-Орших, хоёрт а.х.а Ө.Батзул, гуравт а.а П.Эрхэмжаргал, дөрөвт а.х.а Н.Баттүвшин нарыг давж тавын даваанд түрүү бөх а.а Д.Батбаатарт амлуулж барилдан өвдөг шороодсон юм.
Дараагийн 7 хоногт буюу 12-р сарын 04-нд Ардчилсан намын баярт зориулж, Улс, аймгийн алдар цолтой 256 бөх зодоглох бол, 12-р сарын 05-нд Улсын начин Б.Цэнгэлсүрэнгийн нэрэмжит АЦЦБЗ 256 бөхийн барилдаантай.
М
ОНГОЛЫН ҮНДЭСНИЙ БӨХИЙН ХОЛБОО
