Бангладеш улс Ковид-19 өвчинтэй тэмцэхэд хэд хэдэн том сорилттой тулгарсан бөгөөд үүний нэг нь иргэдийг вакцинаар хангах явдал юм. Тус улс энэ оныг вакцинжуулалтын жил болгон зарласны дараа хэд хэдэн улс тэр дундаа АНУ 16.8 сая орчим тун Pfizer вакциныг бэлэг болгон өгсөн. Бангладеш улсад Хятад улс вакцинаа хандив болгон өгсөн боловч энэ талаар хэд хэдэн шүүмжлэлд өртсөн тул яаралтай тусламжийн зориулалтаар Хятадын Синопарм, Синовак вакциныг их хэмжээгээр худалдаж авсан. Нийгмийн эрүүл мэнд, урьдчилан сэргийлэх анагаах ухааны мэргэжилтэн, доктор Лелин Чоудхуригийн хэлснээр, засгийн газар өөр эх үүсвэрээс илүүтэй зөвхөн Хятадын вакцинд найдсан нь вакцинжуулалтын үйл явц удаашралт, тасалдал үүсгэсэн. Бангладешийн засгийн газар вакцинд 19,000 сая гаруй тэрбум така зарцуулсан бөгөөд 21 сая тунг худалдан авч, дахин 8 сая тун вакцин авахаар төлөвлөж байна.
Насима Актер: "Бид вакцин хийлгээд удаж байна. Ихэнх хүмүүс Хятадаас ирсэн Sinopharm хийлгэж байна. Би Синовак вакцин хийлгээд багагүй хугацаа өнгөрч байна"
Упазилагийн эрүүл мэнд, гэр бүл төлөвлөлтийн ажилтан, Доктор Шанкар Прасад Адхикари:"Хятадын Sinopharm, Sinovac вакцинууд их хэмжээгээр ирсэн. Энэтхэгийн вакцинаар эхэлсэн. Дараа нь Хятад вакцин, өнөөдөр бид хүүхдүүдэд зориулсан Pfizer вакциныг тарьж эхлүүлж байна"
Баришалын ММ-ийн охидын дунд сургуулийн туслах багш Жибон Кришно Саха: "ММ-ийн охидын дунд сургууль 1000 сурагчтай. Бид өнөөдөр хуваарийн дагуу хоёр зуун сурагчид Америкийн Pfizer вакциныг хийж байна"
ARS-ийн охидын дунд сургуулийн сурагч Ниша Ислам: "Бид ARS дунд сургуулийн охид Америкийн Pfizer вакцин хийлгэхээр энд ирсэн. Мөн бид эрүүл байж гэр бүлийнхээ санааг амраамаар байна"
Барисал хотын эмнэлгийн мэс засалч Доктор Моновер Хоссейн: "Ковид 19-тэй тэмцэх зорилгоор Бангладеш улсад таван төрлийн вакциныг нэвтрүүлж байна. Тэдгээрийн дотор AstraZeneca, Sinopharm, Pfizer, Moderna вакцинууд байна. Одоогоор асуудал гараагүй. Хамгийн түгээмэл вакцин бол Sinopharm юм. Бидний өнөөг хүртэл хийсэн Pfizer вакцинууд бүгд хандив бөгөөд бидэнд маш их нөөц бий"
Эх сурвалж: А24 Мэдээний агентлаг
