ДАШТ-ий хүрэл медальт, Монгол Улсын Гавьяат тамирчин Э.Цэндбаатар мэргэжлийн боксын анхны тулаанаа өчигдөр хийн ялалт байгуулж, WBA холбооны Азийн аварга боллоо. Тэмцээний дараа тэрээр өөрийн сэтгэгдлээ хуваалцлаа. Тэрээр: "Намайг дэмжсэн Монголын ард түмэндээ, гэр бүлдээ, албан байгууллагууддаа Сэрүүн группын хамт олондоо маш их баярлалаа. Одоо 2 сард дахиад тоглолттой. Дахин бүсийн төлөө, аваргын төлөө тоглоно. Бэлтгэлээ алдахгүй хичээнэ. Цааш цаашдаа ямар ч алдаа гаргахгүй бэлтгэлээ маш сайн хийж байгаад бүх бүсийг авахыг би маш их хүсэж байна. Шантрахгүй, хүсэл зоригтой байхад бүх зүйл болдог юм байна гэдгийг би маш сайн ойлголоо. Цаашдаа хичээх болно. Монголынхоо ард түмэнд баярлалаа" гэлээ.
