Дэлхийн эрүүл мэндийн байгууллагын тэргүүн Тедрос Адханом Гебрейесус вакцины тэгш бус хуваарилалт, шударга бус байдлыг зогсоож чадвал 2022 он коронавирусний цар тахлын сүүлчийн жил байх боломжтой гэлээ.
Гебрейесус шинэ жилийн мэндчилгээ дэвшүүлэхдээ “Зарим улс орнууд хэт үндсэрхэг үзэл гаргаж, вакциныг ихээр нөөцөлсний улмаас омикрон хувилбар бий болох хамгийн таатай нөхцөлийг бүрдүүллээ" гэв. Иргэддээ гурав дахь тун вакцин хийлгэхийг санал болгож байгаа дэлхийн чинээлэг улс орнуудыг ДЭМБ удаа дараа шүүмжилсэн. Учир нь олон бүс нутагт хүн амын нэлээд хэсэг нь вакцины эхний тунг ч хийлгэж чадаагүй байгаа юм.
“Шударга бус байдал үргэлжилсээр байвал энэ вирус цаашид хувирч өөрчлөгдсөөр байна. Тэр чинээгээрээ өндөр эрсдэлтэй нөхцөл байдал үүсэж, бид урьдчилан сэргийлэх боломжгүй болно" гэжээ.
