Францын нийслэл Парис хотод жүдо бөхийн "Их дуулга" болж байгаа бөгөөд манай жүдочид эхний өдөр гурван медаль хүртэж, багийн дүнгээр 52 орноос дэд байрт жагсаж байна. Тэмцээний эрэгтэйчүүдийн 66 кг-ын жинд Ё.Басхүү алт, 73 кг-д Ц.Цогтбаатар хүрэл медаль хүртсэн бол эмэгтэйчүүдийн 48 кг-ын жинд Б.Баасанхүү мөнгөн медаль хүртэв. Ц.Цогтбаатар Парисын их дуулгын дөрөв дэх медалиа хүртэж байна.
