"Бээжин 2022" Өвлийн Паралимпын 13-р наадам үргэлжилж байна. Манай тамирчин Паралимпын наадмын тэмцээнүүдэд оролцохын зэрэгцээ Монгол Улсын баг тамирчид, төлөөлөгчдийн тэргүүн БТСУХ-ны дэд дарга Ц.Одонбаяр, багийн ахлагч Монголын Үндэсний Паралимпын хорооны тэргүүн дэд ерөнхийлөгч Д.Сүрэнхорлоо, Азийн Паралимпын хорооны удирдах зөвлөлийн гишүүн, Спорт ба Эмэгтэйчүүд комиссын дарга Н.Оюунбат нар албан ёсны олон уулзалтууд хийж, үр дүнтэй, ач холбогдолтой ажлууд өрнөсөөр байна. Тухайлбал 2017 онд АБУ ДАБИ хотод болсон Олон Улсын паралимпын хорооны чуулганаар анх сонгогдож, өнгөрсөн 2021 онд цахимаар явагдсан Олон Улсын Паралимпын хорооны чуулганаар дахин улиран сонгогдсон ОУПХ-ны ерөнхийлөгч, Бразил улсын иргэн Эндрю Парсонтой уулзсан бол Азийн Паралимпын хорооны гүйцэтгэх захирал, Марокко улсын иргэн Тарек Соуэл Жанчхүүгийн дахь тамирчдын тосгонд байрлаж байгаа Монголын багийн штабыг зорин ирж уулзаж, санал бодлоо солилцоод,хийж хэрэгжүүлэх томоохон ажлуудаасаа танилцууллаа. АзийнПаралимпын хорооноос 2026 оны Өвлийн Паралимпын наадмын өмнө Азийн Өвлийн Паралимпын наадмыг санаачлан явуулахаар болжээ. Энэ наадам нээлттэй хэлбэрээр, 2026 оны Өвлийн Паралимпын наадамд оролцох эрх олгох зорилгоор зохиогдох юм. Харин нээлттэй явагдах хэдий ч Ази тивийн тамирчдад наадмын медаль олгохоор шийдвэрлэжээ.
