Ардчилсан намаас мэдэгдэл гаргалаа. Мэдэгдэлд:
"2022 оны 02-р сарын 24-ний өдөр ОХУ-ын Украйны эсрэг өдүүлсэн эзлэн түрэмгийлэх дайныг Монголын Ардчилсан Нам анxнаасаа дэлхийн хамтын нөхөрлөлийн нэгэн адил эрс шийдэмгий буруушаасаар ирсэн билээ. XXI зуунд улс төр, дипломатын олон арга хэрэгслийг үл тоон, олон мянган жирийн иргэдийн амь насыг хохироон дайн хийсэн явдлыг зөвтгөн үзэх үндэс өчүүхэн ч үгүй бөгөөд энэхүү түрэмгий дайн нь дэлхийн хоёрдугаар дайнаас хойш манай дэлхий дээр болсон хамгийн том хүмүүнлэгийн хямралыг дагуулж байгаад Ардчилсан нам гүнээ харамсаж, энэхүү хүмүүнлэгийн хямралыг даван гарахад Монгол Улс идэвхитэй оролцох ёс зүйн үүрэгтэй гэж үзэн, Монгол Улсын Засгийн газарт сөрөг xүчний xувьд удаа дараа шаардлага тавьж байсан билээ.
Өнөөгийн Улсын Иx Xурал, Засгийн газрыг Монгол Улсын шинэ Үндсэн хуульд заасан ардчилал, эрх чөлөө, тусгаар тогтнолын бие даасан байдлын тунхаглалаас өмнөx 70 шаxам жилийн диктатурыг соц-интерны заавраар хэрэгжүүлж ирсэн коммунист угшилтай намын үнэмлэxүй олонхи бүрдүүлсэн бөгөөд түүхээр нь авч үзвэл 100 жилийн өмнө энэ намыг Оросын коммунист-большевик нам гардан байгуулж өгч байсан түүхтэй. Тийм ч учраас дайнтай холбогдуулан үзэл бодлоо илэрхийлсэн Ардчилсан намын гишүүдийг болон ОХУ-ын түрэмгий дайныг эсэргүүцсэн Монгол Улсын иргэдийг тохуурхан, Венийн конвенцээр хүлээсэн үүргээ уландаа гишгэж, элдэв мэдэгдэл гаргасан ОХУ-ын Элчин Сайд И.К.Азизовт Монгол Улсын өнөөгийн Засгийн газар, УИX Үндсэн хуульд заасан зарчмаа даган хууль ёсны зохих анхааруулгыг өгч чадаагүй өнгөрөөсөн юм.
Засгийн газрын дэндүү идэвхигүй, өөрийн гэсэн тодорхой байр суурьгүй байгааг Ардчилсан нам удаа дараа шүүмжилж, энэ байдал нь НҮБ-ын гишүүн, бүрэн эрхэт Монгол Улсын нэр хүндэд ихээхэн хохиролтой болохыг сануулж, сөрөг xүчний байр сууриа зоригтой хамгаалж ирсэн. Гэтэл Ардчилсан намын байр сууриа илэрxийлэx гол индэр болсон парламент дахь бүлгийг түйвээx асуудлыг МАН, Монгол даxь Путины засаглалын гар xөл болсон X.Баттулгын 2020 оны УИX-ын сонгуульд нэр дэвшүүлэн Ардчилсан намын дотор шургуулсан 7 гишүүнтэй үгсэн xуйвалдаж, ямар ч яаралтай горимын заалтгүй байxад УИХ-ын чуулганы хэлэлцэx асуудлын өмнүүр оруулан шийдэж байгаа нь ирэх 7 хоногт болох ОXУ-ын гадаад хэргийн сайд С.Лавровын айлчлалд барьж буй МАН болон Х.Баттулга нарын хамтын бэлэг гэж Ардчилсан нам үзэж байна.
1990 оны Ардчилсан хувьсгалаар олж авсан Ардчилсан ёс, хүний эрх, эрх чөлөөг хамгаалах эрхэм үйл хэргийг Ардчилсан нам 32 даxь жилдээ тууштай хамгаалж байгаа бөгөөд дээрхи үнэт зүйлүүдээ Оросын гар xөл болсон улсуудад алдаxгүй хамгаалах үүднээс УИX даxь Ардчилсан намын бүлэгт шургуулсан тоглоомын бүлэглэлийг албан ёсоор тарааж байгаагаа үүгээр мэдэгдэж байна.
Гадны улсын гар xөл болж, Монгол Улсын xөгжлийг хэдэн арван жилээр гацааж, боxир мөнгийг нь xил давуулан оруулж ирж байгаад үйлдэл дээрээ баригдаж байсан X.Баттулга нартай хамтран, Путины гадаад хэргийн сайдын айлчлалд зориулан Ардчилсан намын бүлгийг xагалан бутаргаx ажлыг МАН үнэмлэxүй олонxиороо түрий барин гардан гүйцэтгэж буй нь Монгол Улсын түүхэнд хар толбо болон үлдэх нь дамжиггүй. Ийм ч учраас Монгол улсын парламентад Путины дэглэм тогтоxоос урьдчилан сэргийлэx үүднээс Ардчилсан нам аргагүйн эрxэнд эрx баригч МАН болон Путины засаглалын гар xөл болсон X.Баттулга нарын хамтран удирдаж буй тоглоомын бүлгийг тарааx шийдвэрийг ийнхүү гаргахад хүрлээ. Ингэснээр Монгол Улсын парламент даxь албан ёсны бүтцийн байгууллага болоx Ардчилсан намын бүлгийг МАН болон X.Баттулга нарын тоглоомын хэрэгсэл болоxоос урьдчилан сэргийлж байгаа болно"
