Засгийн газрын өнөөдрийн хуралдаанаас гарсан зарим шийдвэрийг Барилга, хот байгуулалтын сайд Б.Мөнхбаатар танилцууллаа. Тэрээр: "Улаанбаатар хотын төвлөрлийг бууруулахын тулд Хөшигийн хөндий рүү төр засгийн байгууллагуудыг нүүлгэх шийдвэр гарсан. Шийдвэрийг өнөөдрөөс албажуулж эрчимжүүлэх чиглэлийг Ерөнхий сайд өглөө. Энэ Баасан гарагт Хөшигийн хөндийд онгоцны буудал тойрсон инженерийн дэд бүтцийн ажлыг эхлүүлнэ" гэлээ.
