Монгол улсын Ерөнхийлөгч Ухнаагийн Хүрэлсүхэд Ардчилсан намаас хандан Монгол улсын нийгэм, эдийн засагт ноцтой хохирол авчрах 2023 нэгдсэн төсөвт хуульд заасан бүрэн эрхийн хүрээнд бүхэлд нь хориг тавихыг шаардаж албан ШААРДЛАГА хүргүүллээ. Мөн Монгол улс “Гадаад өрийн хавх”-нд орж өрийн асуудал Монгол улсын эдийн засгийн аюулгүй байдлаас хальж улс орны тусгаар тогтнолын асуудал болж хувирсныг анхааруулж АН-ын дарга С.Эрдэнэ, УИХ-ын гишүүн Д.Ганбат, Нийслэлийн АН-ын дэд дарга А.Цэрэнбат болон АН-ын бусад удирдлагууд мэдэгдэл хийж албан шаардлагыг Монгол улсын Ерөнхийлөгчийн Тамгын газрын дарга Я.Содбаатарт гардууллаа.
