Видео стрийминг үйлчилгээний Нэтфликс компанийг 25 жилийн өмнө үүсгэн байгуулж, өнөөдрийг хүртэл амжилттай ажиллахад нь хувь нэмрээ оруулж, гүйцэтгэх захирлын албан тушаалд томилогдоод байсан Рийд Хэстингс ажлаа өгөх болсноо мэдэгджээ. Гүйцэтгэх захирал ажлаа өгөх болсонтой зэрэгцэн Нэтфликс компани өнгөрсөн жилд дагагчдын тоогоо нэмсэн тухай мэдээлээд байна.
Мөнгөний ханш чангарч, инфляц нэмэгдэж байгаа тул видео стрийминг үйлчилгээний хэрэглээ буурна гэж үзэж байсан ч Нэтфликс эсрэгээр нь долоон сая гаруй шинэ үзэгчтэй болсноо зарлажээ. Шинжээчдийн үзэж байгаагаар хааны удмын гэр бүлээ орхисон Британийн ханхүү Харри болон түүний эхнэр Меган нарын баримтат кино, Wednesday цуврал, Glass Onion кинонууд хэрэглэгчдийг татахад гол нөлөө үзүүлсэн байна. 2022 он тус платформын хувьд хүндхэн эхэлсэн ч давгүй төгсгөлөө гэж мэдээлжээ.
Хастинг дэлхий даяар 231 сая үзэгчтэй том зах зээлийг орхих ажлаа удаан хугацаанд төлөвлөсөн байна. Хэдийгээр гүйцэтгэх захирлын албан тушаалаа өгсөн ч төлөөлөн удирдах зөвлөлд байр суурь нь хэвээр үлдэнэ.
Эх сурвалж: ВВС
