Грект зорчигч болон ачааны галт тэрэг мөргөлдсөний улмаас 26 хүн амиа алдаж, 85 хүн шархаджээ. Мягмар гарагийн орой Лариса хотын ойролцоо мөргөлдсөн байна.
Суудлын галт тэрэг Афинаас Салоники руу явж, ачааны галт тэрэг эсрэг талд явж байсан бөгөөд Салоникигаас Лариса руу явж байжээ. Галт тэрэгнүүд яагаад нэг зам дээр байсан нь тодорхойгүй байна. 350 хүн зорчиж явсан суудлын галт тэрэгний вагонууд замаасаа гарч, нэг нь шатсан байна. Хоёр галт тэрэгний дугуй болон бусад хэсгүүд хэдэн арван метрийн зайд шидэгдсэн байсан гэж орон нутгийн хэвлэлүүд мэдээлж байна.
Фессалийн мужийн захирагч Константинос Агорастос "Мөргөлдөөн маш хүчтэй болсон" гэж сэтгүүлчдэд мэдэгдсэн байна. Түүний хэлснээр суудлын галт тэрэгний эхний дөрвөн вагон замаасаа гарсан бол толгой болон хоёр дахь вагон нь бараг бүрэн эвдэрсэн байна.
Скай телевизийн сувгийн мэдээлснээр эмнэлгийн тусламж шаардлагагүй байсан зорчигчдыг Салоники руу автобусаар тээвэрлэсэн байна. Шархадсан хүмүүсийг ойролцоох эмнэлгүүдэд хүргэжээ. Тэдний зарим нь яаралтай хагалгаанд орох шаардлагатай болсон байна.
Эх сурвалж: BBC
