Үерийн улмаас төвийн зургаан дүүргийн найман байршилд нөхцөл байдал хүндэрч, холбогдох мэргэжлийн байгууллагын 1100 орчим алба хаагч, 122 техник, хэрэгсэлтэйгээр ажиллаж байна. Алба хаагчид иргэдийг аюулгүй газарт нүүлгэн шилжүүлэх, эд хогшлыг татан гаргах, далан, шуудууг өргөтгөх, хүчитгэх ажлыг тасралтгүй гүйцэтгэж байна.
Мөн эрсдэл бүхий найман газарт ОБЕГ-аас ослын удирдагчийг томилон ажиллуулж, газар дээр нь нөхцөл байдлыг үнэлэн, мэргэжил аргазүйгээр ханган ажиллаж байна.
