Монголын Тэргэнцэртэй Сэлэмний холбоо жил бүр уламжлал болгон зохиогддог Монгол Улсын Аварга шалгаруулах тэмцээнээ Монголын Спортын Корпорац ХХК-тай хамтран, UB Cab ХХК-ын нэрэмжит зохион байгуулж аваргуудаа шалгарууллаа.
Мөн Эрэгтэйчүүдийн Багийн Анхдугаар Монгол Улсын Аварга шалгаруулах тэмцээнийг зохион байгуулсан нь онцлох үйл явдал байлаа.
Тэмцээний шагналыг Монголын Үндэсний Паралимпын хорооны Ажлын албаны дарга хатагтай Ж.Тунгалаг, "JCI Progress" салбар байгууллагын 2020 оны Ерөнхийлөгч ноён А.Ариунболд, "UB Cab" ХХК-ын гүйцэтгэх захирал ноён Н.Отгонбаяр нар гардууллаа.
Тэмцээний дүн
Эрэгтэй ганцаарчилсан:
Алт- Б.Даваасүрэн (Зэвсэгт хүчний 013-р анги)
Мөнгө- Б.Пүрэвсүрэн (Нет капитал финанс корпорац)
Хүрэл- А.Дөлгөөн
Хүрэл - Н.Булган
Эмэгтэй ганцаарчилсан:
Алт- Д.Цолмон (UB Cab компани)
Мөнгө- С.Оюундарь
Хүрэл- Ж.Нарантунгалаг (Мобиком корпорац)
Хүрэл- Б.Бадамханд
Тус тэмцээний Алт, Мөнгөн медальт тамирчид нь энэ оны 4-р сард Тайланд улсад зохион байгуулагдах, Парис 2024 Паралимпын наадмын эрхийн оноо олгох Тэргэнцэртэй Сэлэмний Ази тивийн аварга шалгаруулах тэмцээнд эх орноо төлөөлөн оролцох юм.
