Үндэсний шигшээ багийн бэлтгэл сургалтын төвд гурван өдөр үргэлжилсэн хийн буудлагын УАШТ өнөөдөр "Буянт-Ухаа" спорт ордонд шилжлээ.
Урт буу болон гар бууны шигшээд шалгарсан шилдэг тамирчид өнөөдөр медалийн төлөө онч сорьж байгаа юм.
Хамгийн эхлээд эмэгтэй гар бууны 10м-ийн финал явагдаж, медальтнууд тодорлоо.
Энэ төрөлд ОУХМ Г.Хэрлэнцэцэг финалд 234.1 оноогоор түрүүлж, ОУХМ Т.Баярцэцэг 232.4 оноогоор удаалав.
ОУХМ Ц.Хонгорзул хүрэл медалийн эзэн боллоо.
ОУХМ Т.Гантуул уг нь тэргүүлж явсан ч тав дахь буудлагадаа 6.6 буудан хасагдсанаар дөрөвдүгээр байрт орсон юм.
Одоо эрэгтэй гар бууны 10м-ийн финал үргэлжлэн явагдаж байна.
