Спорт авиралтын 2024 оны УАШТ "Хурд" авиралтын зааланд хоёр өдөр үргэлжилж өндөрлөлөө. Сүүлийн өдөр техник болон боулдеринг төрлийн тэмцээн явагдсан юм.
Боулдеринг төрөлд тамирчид хамгаалалтгүйгээр богино зайд авирдаг бол үндсэн буюу техникийн төрөлд зориулалтын хамгаалалтын хэрэгсэлтэйгээр 13 метрийн өндөр хананд авирдгаараа онцлогтой.
Эрэгтэй насанд хүрэгчдийн техник авиралтад энэ онд Францад болсон мөсөнд авиралтын залуучуудын ДАШТ-ий алтан медальт Б.Мөнхбаатар түрүүлэв.
Энэ тамирчин өнгөрсөн жил залуучуудын ДАШТ-ээс мөнгө, хүрэл медаль хүртсэн билээ. Тэрбээр энэ жилийн УАШТ-ээс боулдеринг төрөлд хүрэл, хурдны авиралтад мөнгө, техник авиралтад алтан медаль хүртэж, медалийн иж бүрэн цуглуулгатай болов.
Эмэгтэйчүүдийн техник авиралтад УБ аялагч клубийн Б.Отгончимэг түрүүлсэн бол 20 хүртэлх насны ДАШТ-ий хүрэл медальт Ц.Анар удаалсан юм.
"Уб аялагч" клубийн тамирчид тэмцээний сүүлийн өдөр нийт 5 алт, 7 мөнгө, 2 хүрэл, нийт 14 медаль хүртжээ.
УАШТ-ий дүн
Техник авиралт
Насанд хүрэгчид, эмэгтэй
1.Б.Отгончимэг (УБ аялагч клуб)
2.Ц.Анар (Саммит клуб)
3.О.Ууганцэцэг (Саммит клуб)
Насанд хүрэгчид, эрэгтэй
1.Б.Мөнхбаатар (хувиараа)
2.З.Сумъяа (Хурд клуб)
3.Ж.Сэдэд (51-р сургууль)
U-18 нас, эмэгтэй
1.Ж.Амина (УБ аялагч клуб)
2.С.Эгшиглэн (УБ аялагч клуб)
U-18 нас, эрэгтэй
1.А.Зоригтбаатар (хувиараа)
2.М.Төгөлдөр (Уб аялагч клуб)
3.Э.Дөлгөөн (УБ аялагч клуб)
U-16 нас, эрэгтэй
1.Х.Цолмон (УБ аялагч клуб)
2.Х.Цэлмэг (УБ аялагч клуб)
3.А.Эрдэнэбадрал (хувиараа)
Боулдеринг авиралт
Насанд хүрэгчид, эмэгтэй:
1.О.Ууганцэцэг (Саммит клуб)
2.Б.Отгончимэг (УБ аялагч клуб)
3.Б.Баярмаа (Хайрхан клуб)
Насанд хүрэгчид, эрэгтэй:
1.З.Сумъяа (Хурд клуб)
2.Д.Отгонхүү (хувиараа)
3.Б.Мөнхбаатар (хувиараа)
U-18 нас, эмэгтэй
1.Ж.Амина (УБ аялагч клуб)
2.С.Эгшиглэн (УБ аялагч клуб)
U-18 нас, эрэгтэй
1.А.Зоригтбаатар (хувиараа)
2.М.Төгөлдөр (УБ аялагч клуб)
3.Э.Номинтэнгэр (хувиараа)
U-16 нас, эрэгтэй
1.Х.Цэлмэг (УБ аялагч клуб)
2.Х.Цолмон (УБ аялагч клуб)
3.Э.Дэлгэрдорж (хувиараа)
