Өнгөрсөн ням гарагт, Израилын арми Газын зурвасын сургууль руу их бууны дайралт хийснээр дор хаяж 15 хүн амиа алдсан хэмээн албаныхан мэдэгдэв.
Газын зурвас дахь Хамас бүлэглэлийн удирддаг Иргэний Хамгааллын Агентлагийн хэлж буйгаар, их бууны суманд өртөж, нэг гэр бүл бүгдээрээ амиа алдаж, олон арван хүн шархадсан байна.
Үүний өмнө, мөн Газын зурвасын хойд хэсэгт гудамжинд тоглож байсан таван хүүхэд нисгэгчгүй онгоцны дайралтад амь үрэгдсэн юм.
Өнгөрсөн долоо хоногийн байдлаар, Газын зурвасын хойд хэсгээр Израилын армийн дайралт эрчимжиж байгаа бөгөөд хэдэн зуун хүн амиа алдаад байна хэмээн Газын зурвасын эрх баригчид мэдэгдэж байна.
Жил гаруйн хугацаанд үргэлжилж буй уг дайны улмаас 42,000 гаруй хүн алагдсан хэмээн Хамас бүлэглэлийн удирдлага дахь эрүүл мэндийн яамнаас мэдэгдэв.
Эх сурвалж: BBC
