2024 оны аравдугаар сарын 21-ний өдрийн 12 ордын зурхайг танилцуулж байна.
Хонь: Сэтгэл өөдрөг байдал ойр дотнынхонд урам хайрласнаар хувийн зорилгодоо хүрэхэд ойрхон очно. Ихэнх хүмүүсийн амьдрал сонирхолтой адал явдлаар дүүрэн байх болно. Таны бодол санаа тодорхой байна. Сэтгэл санааг нь өргөх сайхан мэдээ дуулна. Хайр дурлалын харилцаа амжилттай байх ч таны зөрүүд байдлаас болж хүндрэл учирч магадгүй.
Үхэр: Зарим хүмүүс таныг хуурах, хэлсэндээ хүрэхгүй байж магадгүй. Таны бодол санааг ойлгохгүй хүмүүс итгэлийг тань алдсан мэт санагдана. Энэ үед хамтын ажиллагаа тань бүтэмж муутай ч байж мэднэ. Харин хувийн бизнес тань ашиг орлого авчрах бололтой. Аливаа чухал ажлыг хийхэд хэт замбараагүй байдлаа мартах хэрэгтэй.
Хамтатгах: Өнөөдөр мэргэжлийн ур чадвар өндөр байх тул ажил дээрээ амжилт гаргах боломжтой. Жижиг сажиг таагүй зүйлстэй холбогдох эсэх нь таны дутагдалтай зантай тань холбоотой байх бололтой. Хэт их эрч хүч гаргахад эрүүл мэндтэй холбоотой асуудал гарч ирнэ. Гэр бүлийн хүрээнд үүссэн хүндрэл бэрхшээл, овоорсон ажлаа цэгцлэх хэрэгтэй болно.
Мэлхий: Арилжаа наймааны ажил нь болгоомж, сэрэмжтэй байхыг шаардана. Таны эрч хүч, бусдыг итгүүлэх чадвар, сэтгэл татам зан нэлээд өндөр түвшинд байна. Хань ижилтэй хүмүүс харилцан бие биеэ шүүмжилж, гомдоож болзошгүй тул өөрийн зөв болгох гэж зүтгэх хэрэггүй. Түрүүлж буулт хийх нь хамгийн ухаалаг алхам байх болно.
Арслан: Эргэн тойронд болох үйл явдлыг зөв таамаглаж мэднэ. Энэ нь таны мэдрэмж, зөн совин өндөр байгаагийн илрэл болно. Мөн өөрийн найз нөхдөдөө тулгарсан асуудлыг зөв оновчтой шийдвэрлэж чадна. Сүсэг бишрэл, итгэл үнэмшлийн хүчээр азтай одтой байх бололтой. Ихэнх ажил хэрэгт таныг аз түших магадлал өндөр байна.
Охин: Хурц мэдрэмж, зөн совингоо ашиглан бусад хүмүүсийн үзэл бодлыг нэгтгэн зангидаж чадвал зорилгодоо хялбархан хүрнэ. Энэ өдөр удирдах албан тушаал хашдаг хүмүүст таатай байх болно. Ажлаа зөв зохион байгуулан, оновчтой хуваарилах нь таагүй үйл явдлаас сэрэмжлүүлж чадна. Сэтгэл санаа тань шалтгаангүйгээр өөрчлөгдөж магадгүй.
Жинлүүр: Сайхан сэтгэл, тэсвэл тэвчээр тань эргэн тойрныхонтойгоо хэл амаа ололцох, харилцан ойлголцоход тус болно. Хөгжилтэй бөгөөд эерэг харилцааны ачаар та тайван амгалан байж чадна. Хувийн амьдралдаа хамгийн чухал зүйлээ шийдэх юм бол та сэтгэл хангалуун байх болно Хайр сэтгэлийн холбоо үүсгэвэл бүтэмжтэй байна хэмээн од эрхэс амлаж байна.
Хилэнц: Орлогын төлөвлөгөөг хэнээр ч заалгуулахгүй байх нь чухал. Тулгарсан бүх асуудлаа өөрөө бүрэн шийдвэрлэнэ. Зөв зүйтэй алхам хийсэн гэдэгтээ бат итгэлтэй байгаа тул юунаас ч айх хэрэггүй. Буруу сэтгэлтэй хүмүүсийн элдэв явуулгаас сэрэмжил. Бусдын нөлөөнд автсанаас болж өөрийн хүрээллийн хүмүүсээ гомдоох хэрэггүй.
Нум: Ажил хэрэг, албан тушаал асуудалд орох магадлалтай байна. Явган яриа, хов жив нь таныг доош чирэх тул хэрэггүй зүйлд огт анхаарах хэрэггүй. Ямар нэгэн шийдвэртэй алхам хийх шаардлага тулгарахад сандарч тэвдэх хэрэггүй. Энэ үед айдас түгшүүрт автах нь ирээдүйд тань муугаар нөлөөлж мэднэ.
Матар: Үйл хөдлөлөө хянаж, ухаалаг байж чадвал эвгүй байдалд орохоос сэрэмжилж чадна. Хувийн амьдрал, аж ахуйгаа өөрчлөхийн тулд олдсон боломж бололцоог сайн ашиглахыг од эрхэс зөвлөж байна. Эрүүл мэндийн хувьд аюулгүй байхын тулд хэрэглэж байгаа хоол хүнсэндээ онцгой анхаарал хандуулаарай.
Хумх: Таны үзэл бодол олны анхаарлыг ихээр татах бололтой. Хэн нэгэнтэй халуун яриа өрнүүлэн, илүү гүнзгий танилцахыг хүсэж магадгүй. Гэнэтийн учрал бүр сайн сайхан байдаггүйг санах хэрэгтэй. Таны амьдралын эрч хүч өндөр байгаа ч аливаа зүйлийг хэт зоригтой шийдэх гэсний хэрэггүй. Харин арга эвийг нь олж чадвал бүтэхгүй мэт байсан зүйл ч амжилттай болох болно.
Загас: Хайртай хүнтэйгээ үзэл бодлын зөрчилтэй байгаа хүмүүс энэ байдлаа шийдвэрлэх аргаа хурдан олохгүй бол улам сөргөлдсөөр байх болно. Ухаалаг хүмүүс аль хэдий нь арга эвээ олчих энгийн зүйл дээр зөрчилдөж байж мэднэ. Шударгаар хандаж, эргэн тойрны сөрөг үйл явдлуудыг тайвнаар ажиглах боломжийг өөртөө гарга. Чухал асуудлыг шийдэхдээ өөрийн зөн билигтээ хэт найдах хэрэггүй.
