Дундговь аймгийн Луус сумын Наран багийн "Дух" гэдэг газар /аймгийн төвөөс баруун урд зүгт 73 км, сумын төвөөс урд зүгт 23км/ шар өвс шатаж байна гэсэн дуудлагыг 17:25 цагт Онцгой байдлын газарт ирүүлжээ. Тус аймгийн Онцгой байдлын газрын Гал түймэр унтраах, аврах 25 дугаар анги, Хулд сум дахь Эрэн хайх, аврах бүлгийн алба хаагчид, тус сумын Засаг даргын тамгын газар, мэргэжлийн ангийнхан, орон нутгийн иргэд хээрийн гал түймрийг унтраах ажиллагааг зохион байгуулан ажиллаж, 19:48 цагт бүрэн унтраав. Урьдчилсан байдлаар хээрийн гал түймэрт 500 га талбай өртөж шатсан.
