Зэвсэгт хүчний 311 дүгээр анги нь Зэвсэгт хүчний 2023-2024 оны сургуулийн жилд Зэвсэгт хүчний аварга шалгаруулах биеийн тамир, спортын тэмцээнд багийн дүнгээр эрэгтэй III, эмэгтэй II байрт шалгарсан бахдам амжилтыг Чөлөөт бөхийн дэлхийн аварга шалгаруулах тэмцээнээс дэд ахлагч Ц.Цогбадрах буухиалж үргэлжлүүллээ.
Тус ангийн Хээрийн сургалтын төвийн ерөнхий цэргийн буудлагын нэгдсэн талбайн оператор, дэд ахлагч Ц.Цогбадрах Албани Улсын Тирана хотод аравдугаар сарын 28-31-ний өдрүүдэд явагдсан Чөлөөт бөхийн аварга шалгаруулах дэлхийн аварга шалгаруулах тэмцээнд 61 килограммын жинд гутгаар байрт шалгарч, хүрэл медаль хүртсэн юм. Дэд ахлагч Ц.Цогбадрах нь насанд хүрэгчдийн 3 удаагийн улс аварга, өсвөрийн дэлхийн аварга, Ази тивийн өсвөрийн аваргын хүрэл медальт, Армийн дэлхийн аваргын мөнгөн медальт тамирчин юм.
