Хонь: Нөхцөл байдал таны удирдлагаас гарч болзошгүй. Бусдад буруу ойлголт төрүүлэхгүй байх нь хамгийн чухал. Нөхцөл байдал буруугаар эргэвэл хурдан шийдвэр гаргаж байдлыг гартаа авах хэрэгтэй. Уран сэтгэмж, төсөөлөн бодох байдал давамгайлах хандлагатай байх бөгөөд хөрөнгө мөнгөө хий дэмий зүйлд зарцуулах магадлалтай байна. Таны хайр дурлалын харилцаанд бэрхшээл үүсэж болзошгүй. Үг яриагаа хянахгүй бол хайртай хүнээ гомдоож мэднэ.

Үхэр:Цагийн хуваариа сайн тооцоолох ч өнөөдөр бага зэрэг сандруу байна. Гэхдээ зарим зүйл яах аргагүй өөрчлөлт тулгасан ч аль болох төлөвлөгөөгөө дага. Жижигхэн зүйлийг ч үр дүнтэй болгох гэж оролдох нь цаг завыг ихээр авна. Уулзалт хэлэлцээрийн үеэр нөлөө бүхий хүмүүстэй танилцах боломж гарна. Олон нийттэй харилцах ажил хийдэг хүмүүсийн санаачилсан ажил амжилттай хэрэгжих болно. 

Ихэр: Өнөөдөр оюун ухаанаа сайн төвлөрүүлж чадахгүй байх магадлалтай. Аливаа асуудлыг шийдвэрлэхэд мэргэжлийн хүмүүсийн зөвлөгөө шаардлагатай тул өөрийнхөөрөө хийх гэж зүтгэсний хэрэггүй. Эрүүл мэндээ анхаарч, шаардлагатай бол эмчийн үзлэгт ор. Өндөр настай ээж аавдаа санаа зовж байгаа хүмүүс тэднийг асран халамжлах арга сэдэж, санаагаа амраа. 

Мэлхий: Ажил хайж байгаа мэлхийнхэн эзэмшсэн мэргэжлээрээ шинэ шатанд гарахыг хичээ. Та ур чадвар сайтай нэгэн бол энэ үед ажил олгогчдын зүгээс зохион байгуулж байгаа танилцуулга арга хэмжээнд идэвхтэй хамрагдах хэрэгтэй. Залуу хүмүүс хайр сэтгэлийг чинь татсан хүнтэй учирвал дурлалын мананд төөрөх бололтой. Сэтгэлийн шархтай үлдэх магадлал өндөр байгаа тул болгоомжтой бай. 

Арслан: Өнгөрсөн үйл явдлуудаа эргэн санах өдөр. Чухал ач холбогдолтой нийгмийн үйл ажиллагаанд бэлтгэхэд өдрийн ихэнх хэсгийг зарцуулах болно. Ганц бие эрчүүд өөртөө таарах хэн нэгнийг сонгох нь энгийн үеийнхээс хэцүү байх болно. Өөрийнхөө гаргахыг хүсэж буй сэтгэл хөдлөлөө илэрхийлэх нь хүнд байх болно. Хамтын шийдвэр гаргахдаа өөрийн хүсэл сонирхлыг заавал хамруулаарай. 

Охин:Сэтгэл түгшээсэн уур амьсгалыг авчирдаг хүмүүстэй харьцахаас болгоомжил. Түншүүдтэйгээ ч тохиролцохдоо илүү хянамгай бай. Эрх мэдэлтэй холбоотой асуудал амаргүй нөхцөлд оруулна. Яаж төвөгтэй нөхцөл байдлаас гардгаа бусдад харуул. Таны шийдвэрт гаднын нөлөө орохоос сэргийл. 

Жинлүүр: Танд шинэ боломж гарах үе тул цагийг дэмий өнгөрүүлэх хэрэггүй. Найзуудтайгаа уулзах бол аль болох хөгжилтэй бай. Чөлөөт цаг гарвал сонирхолтой зүйл үзэж, өдөр тутмын байдгаасаа арай өөр зүйл хий. Сонирхолтой спортоор хичээллэх боломжтой газарт зорин оч. Эсвэл хайртай хүнтэйгээ хамт цагийг сайхан өнгөрүүл. Энэ үед ганц бие хүмүүс сонирхол татсан хэн нэгэн хүнтэй сайхан харилцаа тогтооно. 

Хилэнц: Аливаа эерэг хандлага нь боломж авчирч, амжилтад хүргэнэ. Таны хувьд гадаад төрх болон зан байдлаа олны анхаарал татахаар байлгана. Хүмүүсийг гайхшируулах гэсэн хүчин чармайлтынхаа үр шимийг хүртэнэ. Хэрвээ боломжтой бол өөрийгөө хэт хянахаас чөлөөл. Энэ нь эргэн тойрны хүмүүсийг өөртөө татахад хялбар болгоно. Харин гэр бүлийн хүмүүстэйгээ хэт ёсорхуу харьцаж болохгүй. Хэрвээ та хэрүүл маргаан, таагүй байдлаас хол байж чадвал хайр дурлалын харилцаа таны санаснаар байх болно.

Нум: Санаачилсан ажил бүтэж, бүх зүйл сайнаар эргэж байгаа мэт санагдана. Энэ нь одоогийн гаргасан хичээл зүтгэлийн ач мэт санагдаж болох ч зарим талаар өмнө нь хийсэн ямар нэгэн сайн үйлийн хариу юм. Хөрөнгө санхүүгийн асуудал бүтэмжтэй байх нь хүсэж мөрөөдөж явсан зүйлээ биелүүлэхэд ихээхэн нэмэр болно. Гэр бүлийн асуудал ч цэгцэрч нэг тийш болно. Ойр дотнын хүмүүстэйгээ хамт байх цаг зав гаргаарай. 

Матар: Сэтгэл санаа тогтворгүй байх тул аливаа зүйлийг хийхэд нэлээд хүнд байх бололтой. Хамтран ажилладаг хүмүүс тань таныг эсэргүүцэх эсвэл хүсээгүй хариуцлага тохохыг оролдоно. Утгагүй ажлыг хэрхэн хийх вэ гэж толгойгоо гашилгаж байхаар зүгээр л зөнд нь орхи. Удахгүй гаргасан санаа тань ажил хэрэг болох боломж гарч ирнэ. Хайртай хүмүүстээ анхаарал халамж тавь. Танд юу хамгийн чухал вэ гэдгийг сайтар бод. Хайртай хүндээ талархлын үг харамгүй хэлж, хир их хайртайгаа мэдрүүл. 

Хумх: Өнөөдөр ажил хэргийн чухал уулзалт төлөвлөх эсвэл нарийн төвөгтэй үйл ажиллагаа зохион байгуулахаас татгалз. Яаж ч хичээгээд харилцан ойлголцол муу байх магадлалтай. Харилцан зөвшилцөлд хүрэхэд хүнд байх болно. Зарчмын асуудлаар ширүүхэн маргаан үүсэх үед шударга бус шүүмжлэлд өртөж магадгүй байна. Ажил хэргээ энэ өдрийн таагүй хандлага, нөлөө багасаж буурах үед хийхээр зохицуул. 

Загас: Өнөөдөр таагүй учрал тохиосон ч түүнийг хэт мухар сүсэгтэйгээр хүлээж авах хэрэггүй. Болж буй үйл явдлууд таны санаснаар биш байлаа ч бухимдлаа ямар ч буруугүй хүмүүст гаргахаас сэргийл. Хоёрдмол хандлага их байгаа тул таны эрч хүч нэлээд буурах бололтой. Энэ нь таны мөнгө санхүү, үл хөдлөх хөрөнгөтэй холбоотой асуудлуудад муу нөлөө үзүүлэх болно.