Хонь: Саад бэрхшээлийг даван туулах эрч хүч эр зориг хангалттай байгаа үед санаачилгыг авч чадна. Бусад үед хэцүү байдаг үйл ажиллагаа өнөөдөр од эрсийн нөлөөгөөр таны хувьд амархан байх болно. Таны бусдыг өөртөө татах хүч их байгаа бүгдэд сайхан сэтгэгдэл төрүүлж чадна. Харин хайр сэтгэлийн харилцаанд хэт бардам зан гаргахаас зайлсхий.
Үхэр: Өнөөдөр бүх зүйл энгийн байна. Гэр бүлийнхэнтэйгээ асуудалтай байгаа бол энэ нь эвээр шийдэгдэж магадгүй. Тайван дөлгөөн байдлаа хадгалж, хэрүүл маргаанд бага автаарай. Сонирхдог зүйлдээ мөнгө зарцуулах бололтой. Гэхдээ их мөнгө үрэхээр бол гэрийн төсөвт эрсдэл авч ирнэ гэдгийг тооцоол.
Ихэр: Хоёрдмол хандлага ихсэх учир таны сэтгэл санаа нэг бол дээрдэж, нэг бол дордоно. Олон нийтийн үйл ажиллагаа төлөвлөснөөс өөр болж болзошгүй. Гэхдээ төлөвлөсөн бүхнээ биелүүлэх гэж хичээгээрэй. Завгүй хүмүүс ч ажлаа зохицуулан гэр бүл, үр хүүхдүүдтэйгээ өдрийн хоол хамт идэж, агаар салхинд хамт алхаарай. Оройг хайртай хүнтэйгээ ирээдүйн төлөвлөгөөгөө сайтар ярилцан өнгөрөөх нь таатай байна.
Мэлхий: Гэр орондоо бага ч гэсэн өөрчлөлт хийхийг хүснэ. Гэхдээ энэ бүхэн үнэхээр амаргүй байх болно. Өөрчлөлт гэдэг зөвхөн хүссэн зоргоор болдог зүйл биш. Зөвхөн ярьж хэлэх бус өөрийн зөв үйлдлээр бусдад үлгэрлэх шаардлагатай байна. Та илүү тав тухтай байдлыг эрж хайна. Хөрөнгө мөнгөө дэмий үрэх нь асуудал үүсгэх гол шалтгаан болно.
Арслан: Долоо хоногийн сүүлийн өдөр идэвхтэй амарч, цэвэр агаарт зугаалахад таатай. Мөн өмнө нь амжаагүй орон гэрээ засаж тохижуулах ажлаа дуусгахад ч сайн. Зарим хүмүүсийн сэтгэл хөдлөл ихэснэ. Залуу арслангууд нийгмийн идэвх сайтай байна. Таны хувийн ур чадвар цаашдын зорилгоо тодорхойлоход тусална.
Охин: Олон нийтийн үйл ажиллагаанд оролцоход тохиромжгүй өдөр. Өглөөнөөс хойш л үл ойлголцох байдал таныг дагасаар байх болно. Хэрвээ та биеэ сайн барьж, тэвчээртэй байж чадвал нэр хүнд тань өсөх бололтой. Бусдын үгийг сайн сонс. Ямар ч хүний зөвлөгөөнд авах гээхийн ухаанаар хандаарай. Алдар нэртэй хүмүүсийг сохроор шүтэж, даган дуурайх хэрэггүй.
Жинлүүр: Өөрчлөлт бүхэн сайн үр нөлөө авчрахгүй. Хувийн амьдралаа сайн анхаар. Гэр бүлийн хосуудын хувьд харилцааны бат бөхийг шалгах сорилтыг даван туулна. Амьдралын олон талыг үзэж мэдэрсний эцэст хосууд бие биеэ илүү таньж авах болно. Ганц бие хүмүүсийг амьдралын хэв маягийг өөрчлөх учрал хүлээж байна. Харин түрхэн зуурын учрал бат бөх гэрлэлтээр төгсөх эсэхийг цаг хугацаа л харуулах байх.
Хилэнц: Олон нийтийн арга хэмжээн дээр таагүй асуудал үүсэж магадгүй тул болгоомжтой бай. Санаанд оромгүй байдлаар таагүй нөхцөлд орж болзошгүй. Ямар ч харилцаанд анхаарал болгоомжтой ханд. Өөрийн сэтгэл санааг хэт хүндээр илэрхийлэхгүй байвал ачаалал хөнгөрнө. Өөртөө итгэлтэй байдлаа зөв илэрхийлээрэй.
Нум: Ажлын үр дүн сайн гарах үед бардам зангаа хэтрүүлэх магадлалтай. Бусдыг хэт шүүмжлэхээс хол бай. Аливаа нөхцөл байдлыг хяналтдаа байлга. Таны бүтээлч эрч хүч их байх тул өөрийн авьяас билгээ харуулна. Амжилт гаргах өрсөлдөөнд та шилдэг нь байх болно. Гэхдээ бусдад өөрийн давуу талаа хэт дөвийлгөх хэрэггүй.
Матар: Өнөөдөр худалдаа арилжааны ажилд асуудал гарч мэднэ. Хэн нэгэн таны эсрэг үйл ажиллагаа явуулж байгааг мэдвэл хэт сэтгэл хөөрөлд автах хэрэггүй. Таагүй нөхцөл байдалд оруулж мэдэх ажил хэргийн дараагийн долоо хоног болтол хойшлуул. Мөн хайр дурлалын харьцаандаа болгоомжтой ханд. Хувийн харилцаагаа бүтэлгүйтлээр дуусгахгүйн тулд та өндөр мэдрэмжтэй бай.
Хумх: Гэр бүлийн харилцаанд шийдэх асуудал байна. Энэ асуудлыг сайтар ярилцаж тайлбарлах нь үр дүнтэй бөгөөд хайртай хүнээ зөвөөр ойлгохыг хичээх нь хурцадмал байдлыг багасгаж, дотнын харилцаанд эерэг үр дүн авчирна. Залуу хумхууд гэнэн хайр дурлалын асуудлаас үүссэн маргаанаа шийдэх боловч эмзэг харилцааг авч үлдэхийн тулд сэтгэлийн тэвчээр гаргаж сурах хэрэгтэй болно.
Загас: Энэ өдөр дотоод зүрх сэтгэлээ сонсох боломж олдоно. Танд тохиолдох үйл явдал өөрийг илүү таньж мэдэхэд хүргэнэ. Гэхдээ гэнэтийн зүйлсэд их ач холбогдол өгөлгүй, өмнөх ажлаа л амжуул. Хамтын ажиллагааг бэхжүүл. Таны ухаалаг байдал ажил хэрэг болон хувийн амьдралд амжилт авчирна.