2024 оны 03 дугаар сарын 01-нээс 03 дугаар сарын 10-ныг хүртэлх цаг агаарын урьдчилсан төлөв:

Хур тунадас: 03 дугаар сарын 01-нд Хөвсгөлийн уулсаар, 02-нд Халх голын сав газраар, 03-нд баруун аймгуудын нутгийн хойд хэсэг, төвийн аймгуудын ихэнх нутаг, 04-нд баруун болон төвийн аймгуудын нутгийн зарим газар, говийн аймгуудын нутгийн хойд хэсгээр, 05-нд нутгийн зүүн өмнөд хэсгээр, 07-нд  Хэнтийн уулархаг нутаг, Хэрлэн, Онон, Улз, Халх голын хөндийгөөр цас орж, цасан шуурга шуурна.

Салхи: 03 дугаар сарын 01,02-нд говь, тал, хээрийн нутгаар, 03-нд Алтайн уулархаг нутгаар, 04-нд зарим газраар, 07-нд тал, хээрийн нутгаар секундэд 12-14 метр хүрч ширүүснэ. 

Агаарын температур: Увс нуур болон Дархадын хотгор, Завхан голын эх, Идэр, Тэс, Байдраг голын хөндийгөөр шөнөдөө -31...-36 градус, өдөртөө -20...-25 градус, Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Эг, Үүр, Орхон, Хараа, Ерөө, Туул, Тэрэлж, Хэрлэн голын хөндийгөөр -28...-33 градус, өдөртөө -13...-18 градус, говийн бүс нутгийн өмнөд хэсгээр шөнөдөө -6...-11 градус, өдөртөө +1...+6 градус, бусад нутгаар шөнөдөө -18...-23 градус, өдөртөө -5...-10 градус  хүйтэн байна. 04-нд ихэнх нутгаар, 05-нд нутгийн хагаст хүйтэн байна.

Улаанбаатар хот орчмын 10 хоногийн цаг агаарын урьдчилсан төлөв 

Хур тунадас: 03-04-нд ялимгүй цас орно.

Салхи: ихэнх хугацаанд секундэд 5-10 метр, 03-нд баруун өмнөөс хойш эргэж секундэд 8-13 метр хүрч ширүүснэ.

Агаарын температур: Шөнөдөө Яармаг-Сонгины орчмоор -24...-29 градус, бусад хэсгээр -18...-23 градус, өдөртөө бүх хэсгээр -3....-8 градус хүйтэн байна. 04,05-нд хүйтэн байна.