Малчид, иргэд, тээвэрчдэд зориулсан цаг агаарын урьдчилсан мэдээг хүргэж байна. 2026 оны хоёрдугаар сарын 27, 28-нд ихэнх нутгаар салхи шуургатай байх тул анхаарал болгоомжтой байхыг цаг уурчид анхаарууллаа.

2026 оны хоёрдугаар сарын 26-ны 20:00 цагаас 27-ны 20:00 цаг хүртэл ихэнх нутгаар солигдмол үүлтэй байна. Шөнөдөө нийт нутгаар цас орохгүй бол өдөртөө Монгол-Алтайн уулархаг нутаг болон Алтайн өвөр говиор цас орж, явган шуурга шуурах төлөвтэй. Бусад нутгаар цас орохгүй.

Салхи нутгийн зүүн хэсгээр баруунаас, бусад нутгаар баруун өмнөөс секундэд 6-11 метр, өдөртөө Алтайн уулархаг нутаг, Арц Богдын өвөр хоолой, говь, тал, хээрийн нутгаар секундэд 15-17 метр хүрч ширүүсэж, шороон шуурга шуурна.

Агаарын температурын тухайд шөнөдөө Увс нуур болон Дархадын хотгор, Завхан голын эх, Тэс голын хөндийгөөр -36...-41 градус хүрч хүйтэрнэ. Харин Хөвсгөл, Хэнтийн уулархаг нутаг болон томоохон голын сав газруудаар -29...-34 градус, бусад нутгаар -22...-27 градус хүйтэн байна. Өдөртөө ихэнх нутгаар -9...-19 градус, говийн өмнөд хэсгээр +3...-2 градус дулаан байх төлөвтэй.

Улаанбаатар хот орчмоор шөнөдөө үүлшинэ, ялимгүй цас орж, өдөртөө цас орохгүй. Салхи баруун хойноос секундэд 5-10 метр хүрнэ. Шөнөдөө Яармаг-Сонгины орчмоор -29...-31 градус, бусад хэсгээр -23...-25 градус, өдөртөө -12...-14 градус хүйтэн байна. Багануур орчмоор шөнөдөө -31...-33 градус, өдөртөө -14...-16 градус, Тэрэлж орчмоор шөнөдөө -33...-35 градус, өдөртөө -14...-16 градус хүйтэн байх төлөвтэй.

Харин хоёрдугаар сарын 28-наас гуравдугаар сарын 4-нийг хүртэл баруун, төв, зүүн аймгуудын зарим нутгаар цас орж, цасан шуурга шуурах төлөвтэй байна. Тухайлбал, гуравдугаар сарын 2-нд ихэнх нутгаар, 3-нд нутгийн зүүн хагаст цас орно. Энэ хугацаанд салхи секундэд 15-20 метр хүрч ширүүсэх тул цаг агаарын аюултай үзэгдлээс сэрэмжтэй байхыг онцгойлон анхааруулж байна.

Ихэнх нутгаар шөнөдөө -35...-40 градус, өдөртөө -20...-25 градус хүрч хүйтрэх тул малчид, иргэд, тээвэрчид холын замд гарахдаа бэлтгэлээ сайтар хангах шаардлагатай байна.