Малчид, иргэд, тээвэрчдэд зориулсан тав хоногийн цаг агаарын урьдчилсан мэдээг хүргэж байна. Ойрын өдрүүдэд ихэнх нутгаар хүйтэн хэвээр байх бөгөөд энэ сарын 4, 5-нд зүүн хагаст жавартай хүйтэн байхыг анхааруулж байна.

Ойрын 24 цагийн урьдчилсан мэдээ

2026 оны гуравдугаар сарын 3-ны 20 цагаас 4-ний 20 цаг хүртэл:

Ихэнх нутгаар солигдмол үүлтэй. Шөнөдөө Алтай, Хангайн уулархаг нутгаар, өдөртөө Хангай, Хөвсгөлийн уулархаг нутгаар ялимгүй цас орж, явган шуурга шуурна.

Салхи нутгийн өмнөд хэсгээр баруунаас, бусад нутгаар баруун хойноос секундэд 5-10 метр, Алтайн салбар уулс болон Арц Богдын өвөр хоолойгоор секундэд 13-15 метр хүрч ширүүснэ.

Шөнөдөө Тэс голын хөндийгөөр -36...-41 градус, Увс нуур болон Дархадын хотгор, Завхан, Заг-Байдраг голын эхээр -30...-35 градус, Хангай, Хөвсгөл, Хэнтийн уулархаг нутаг болон Идэр, Эг, Үүр, Орхон, Сэлэнгэ, Хараа, Ерөө, Туул, Тэрэлж голын хөндийгөөр -25...-30 градус, говийн бүс нутгийн баруун өмнөд хэсгээр -8...-13 градус, бусад нутгаар -20...-25 градус хүйтэн байна.

Өдөртөө Дархадын хотгор, Тэс голын хөндийгөөр -21...-26 градус, Увс нуурын хотгор, Хэнтийн уулархаг нутаг, Завхан, Заг-Байдраг голын эх, Идэр, Хэрлэн, Онон, Улз, Халх голын хөндийгөөр -14...-19 градус, Хангай, Хөвсгөлийн уулархаг нутаг, Туул, Тэрэлж голын хөндийгөөр -10...-15 градус, говийн баруун өмнөд хэсгээр +4...-1 градус, бусад нутгаар -5...-10 градус хүйтэн байна.

Улаанбаатар хот орчмоор

Үүлшинэ, цас орохгүй. Салхи баруун хойноос секундэд 4-9 метр. Шөнөдөө Яармаг-Сонгины орчмоор -28...-30 градус, бусад хэсгээр -22...-24 градус, өдөртөө -10...-12 градус хүйтэн байна.

Багануур орчмоор үүлшинэ, цас орохгүй. Салхи баруун хойноос секундэд 5-10 метр. Шөнөдөө -28...-30 градус, өдөртөө -14...-16 градус хүйтэн байна.

Тэрэлж орчмоор үүлшинэ, цас орохгүй. Салхи баруун хойноос секундэд 4-9 метр. Шөнөдөө -28...-30 градус, өдөртөө -12...-14 градус хүйтэн байна.

Тав хоногийн урьдчилсан төлөв

2026 оны гуравдугаар сарын 5-наас 9-нийг хүртэл:

5-нд Увс нуурын хотгор, Алтайн уулархаг нутгаар, 6-нд Алтай, Хангайн уулархаг нутгаар, 7-нд Хөвсгөлийн уулархаг нутаг, Сэлэнгийн сав газраар ялимгүй цас орно.

Салхи ихэнх хугацаанд секундэд 5-10 метр, 6-нд Алтайн уулархаг нутгаар секундэд 12-14 метр хүрч ширүүснэ.

5-нд нутгийн баруун хэсгээр, 6-нд ихэнх нутгаар хүйтний эрч суларна. Увс нуур болон Дархадын хотгор, Завхан, Заг-Байдраг голын эх, Идэр, Тэс голын хөндийгөөр шөнөдөө -29...-34 градус, өдөртөө -16...-21 градус, Хангай, Хөвсгөл, Хэнтийн уулархаг нутаг, Орхон, Сэлэнгэ, Хараа, Туул, Тэрэлж, Хэрлэн, Онон, Улз, Халх голын хөндийгөөр шөнөдөө -23...-28 градус, өдөртөө -10...-15 градус, говийн бүс нутгийн өмнөд хэсгээр шөнөдөө -4...-9 градус, өдөртөө +5...+10 градус, бусад нутгаар шөнөдөө -16...-21 градус, өдөртөө -1...-6 градус хүйтэн байна.

Иргэд, малчид, тээвэрчид цаг агаарын нөхцөл байдлыг харгалзан хол замд гарах, мал бэлчээх, отор нүүдэл хийхдээ болзошгүй эрсдэлээс урьдчилан сэргийлэхийг анхааруулж байна.