Малчид, иргэд, тээвэрчдэд зориулсан цаг агаарын мэдээг хүргэж байна. Ойрын өдрүүдэд ихэнх нутгаар цас орохгүй, хүйтний эрч аажмаар суларч, хугацааны сүүлчээр өдөртөө дулаарах төлөвтэй байна.

2026 оны 03-р сарын 05-ны 20:00 цагаас 03-р сарын 06-ны 20:00 цаг хүртэлх урьдчилсан мэдээ

Ихэнх нутгаар солигдмол үүлтэй, нийт нутгаар цас орохгүй. Салхи нутгийн зүүн хэсгээр баруун хойноос, бусад нутгаар баруунаас секундэд 5–10 метр хүрч салхилна.

Шөнөдөө Тэс голын хөндийгөөр -32…-37 градус, Увс нуур болон Дархадын хотгор, Хөвсгөл, Хэнтийн уулархаг нутаг, Завхан голын эх, Тэрэлж, Хэрлэн, Онон, Улз, Халх голын хөндийгөөр -26…-31 градус, Идэр, Эг, Орхон, Сэлэнгэ, Хараа, Ерөө, Туул голын хөндий, Дорнод-Дарьгангын тал нутгаар -21…-26 градус, говийн баруун өмнөд хэсгээр -8…-13 градус, бусад нутгаар -15…-20 градус хүйтэн байна.

Өдөртөө Увс нуурын хотгор, Тэс голын хөндийгөөр -15…-20 градус, Дархадын хотгор, Завхан голын эх, Байдраг, Хэрлэн, Улз, Халх голын хөндийгөөр -9…-14 градус, Хөвсгөл, Хэнтийн уулархаг нутаг, Идэр, Тэрэлж, Онон голын хөндий, Дорнод-Дарьгангын тал нутгаар -5…-10 градус хүйтэн байна. Харин говийн бүс нутгийн баруун өмнөд хэсгээр +4…+9 градус, Алтайн уулархаг нутаг, Их нууруудын хотгор, Хангайн нурууны өвөр бэл, говийн бүс нутгийн хойд хэсгээр 0…+5 градус дулаан, бусад нутгаар -1…-6 градус хүйтэн байна.

Улаанбаатар хот орчмоор:
Багавтар үүлтэй, цас орохгүй. Салхи баруун өмнөөс секундэд 3–8 метр. Шөнөдөө Яармаг–Сонгины орчмоор -24…-26 градус, бусад хэсгээр -18…-20 градус, өдөртөө -4…-6 градус хүйтэн байна.

Багануур орчмоор:
Багавтар үүлтэй, цас орохгүй. Салхи баруун өмнөөс секундэд 4–9 метр. Шөнөдөө -26…-28 градус, өдөртөө -8…-10 градус хүйтэн.

Тэрэлж орчмоор:
Багавтар үүлтэй, цас орохгүй. Салхи баруун өмнөөс секундэд 2–7 метр. Шөнөдөө -27…-29 градус, өдөртөө -7…-9 градус хүйтэн байна.

2026 оны 03-р сарын 07–11-ний өдрүүдийн цаг агаарын төлөв

3-р сарын 9-нд Монгол-Алтайн уулархаг нутгаар, 10-нд Алтай, Хангай, Хөвсгөлийн уулархаг нутгаар ялимгүй цас орох төлөвтэй. Бусад хугацаанд цас орохгүй. Салхи ихэнх хугацаанд секундэд 5–10 метр байна.

Хүйтний эрч суларч, Увс нуур болон Дархадын хотгор, Завхан, Заг-Байдраг, Идэр, Тэс голын хөндийгөөр шөнөдөө -27…-32 градус, өдөртөө -13…-18 градус, Хангай, Хөвсгөл, Хэнтийн уулархаг нутаг болон Орхон, Сэлэнгэ, Хараа, Туул, Тэрэлж, Хэрлэн, Онон, Улз, Халх голын хөндийгөөр шөнөдөө -21…-26 градус, өдөртөө -7…-12 градус хүйтэн байна.

Говийн бүс нутгийн өмнөд хэсгээр шөнөдөө -4…-9 градус хүйтэн, өдөртөө +8…+13 градус дулаан, Алтайн уулархаг нутаг, Хангайн нурууны өвөр бэл болон говийн бүсийн хойд хэсгээр шөнөдөө -10…-15 градус хүйтэн, өдөртөө +2…+7 градус дулаан байна. Бусад нутгаар шөнөдөө -16…-21 градус, өдөртөө +2…-3 градус орчим байна.

Хугацааны сүүлчээр нийт нутгаар өдөртөө илүү дулаарах төлөвтэй байна.