Малчид, иргэд, тээвэрчдэд зориулсан ойрын өдрүүдийн цаг агаарын мэдээг хүргэж байна.

Дөрөвдүгээр сарын 22-нд ихэнх нутгаар цаг агаар тогтуун, хур тунадасгүй, өдөртөө дулаахан байна. Салхи шөнөдөө зүүн хэсгээр баруун хойноос, бусад нутгаар баруунаас, өдөртөө ихэнх нутгаар баруун өмнөөс секундэд 5-10 метрийн хурдтай салхилна.

Шөнөдөө Завхан, Заг-Байдраг голын хөндийгөөр -6…-11 градус хүрч хүйтэрч, уулархаг болон голын хөндийгөөр -2…-7 градус хүйтэн байна. Харин говийн баруун өмнөд хэсгээр +4…+9 градус дулаан, бусад нутгаар -2…+3 градус орчим байна. Өдөртөө ихэнх нутгаар +15…+20 градус дулаарч, говийн өмнөд хэсгээр +20…+25 градус хүрнэ.

Улаанбаатар орчимд шөнөдөө үүлшинэ, өдөртөө багасна. Хур тунадас орохгүй. Салхи баруун өмнөөс секундэд 4-9 метр. Шөнөдөө Яармаг, Сонгины орчмоор -4…-6 градус, бусад хэсгээр 0 орчим, өдөртөө +16…+18 градус дулаан байна.

Багануур орчимд шөнөдөө -3…-5 градус хүйтэн, өдөртөө +16…+18 градус дулаарна.
Тэрэлж орчимд шөнөдөө -5…-7 градус, өдөртөө +13…+15 градус байна.

Харин 23-наас эхлэн нутгийн зүүн хэсгээр бага зэрэг сэрүүснэ. 24-нд баруун болон төвийн зарим, зүүн аймгуудын зүүн хэсгээр, 25-нд төв болон зүүн нутгийн зарим газраар, 26-нд зүүн болон говийн аймгуудын ихэнх нутгаар бороо, нойтон цас орж, явган шуурга шуурах төлөвтэй байна.

Энэ хугацаанд салхи говь, тал, хээрийн нутгаар секундэд 13-15 метр хүрч ширүүсэж, шороон шуурга шуурах тул замд зорчих болон мал аж ахуйн ажилд онцгой анхаарахыг анхааруулж байна.

Температурын хувьд 23-наас зүүн хэсгээр сэрүүсэж, шөнөдөө -4…-9 градус, өдөртөө +6…+11 градус орчим болно. Харин говийн бүсэд шөнөдөө +8…+13, өдөртөө +23…+28 градус хүрч дулаан хэвээр хадгалагдана. Бусад нутгаар шөнөдөө -2…+3, өдөртөө +12…+17 градусын хооронд хэлбэлзэнэ.