Б.БИЛЭГСАЙХАН
Булчингийн масс их байх нь унтаж байх үед ч биеийн зарцуулах энергийн хэмжээг нэмэгдүүлдэг талаар сэтгэцийн эмч, нойр судлаач тайлбарлажээ.
Түүний хэлснээр, хүн унтаж байхдаа ч калори шатаасаар байдаг бөгөөд дунджаар цагт 40-55 калори зарцуулдаг байна. Энэ үзүүлэлт нь биеийн жин, хөдөлгөөний идэвх, бодисын солилцооны үндсэн хурдаас шалтгаалан өөр өөр байдаг аж.
Энергийн зарцуулалтад нөлөөлөх гол хүчин зүйлсийн нэг нь булчингийн хэмжээ юм. Булчингийн масс их байх тусам хүний бие өдөр тутам, тэр дундаа унтаж байх үед ч илүү их энерги зарцуулдаг байна.
Гэхдээ эмч унтаж байхдаа калори шатаахыг жин хасах бие даасан арга гэж үзэж болохгүйг онцолжээ. Жингийн өөрчлөлтөд хооллолт, хөдөлгөөний идэвх болон нойрны хугацаа хамгийн их нөлөөлдөг.
Мөн нойр дутуу байх нь хоолны дуршлыг зохицуулдаг дааврын үйл ажиллагаанд нөлөөлж, бодисын солилцоог алдагдуулахаас гадна илчлэг ихтэй хүнс хэрэглэх хүсэл нэмэгдэхэд хүргэж болзошгүй аж.
|
Эрүүл мэнд
