АДМИН
МҮОХ-ны ерөнхий нарийн бичгийн дарга Э. Бадар-Ууган өнөөдөр Монголын Цанын холбооны удирдлагууд болон “Trondheim 2025” Дэлхийн аварга шалгаруулах тэмцээнд амжилттай оролцсон баг тамирчдыг хүлээн авч уулзан баяр хүргэлээ. Олон улсын Цанын холбооны Олимпын эрх олгох цуврал тэмцээнүүд үргэлжилж байгаа бөгөөд одоогоор “Милан Кортина 2026” өвлийн олимпын наадамд 2 тамирчин оролцох болзлоо хангаад байгаа.
МҮОХ-ны зүгээс өвлийн спортын төрлүүдийг хөгжүүлэхэд бүхий л талаар дэмжин ажиллаж ирсэн. Энэ удаад ч тамирчдын бэлтгэл сургуулилт, тэмцээн уралдаанд оролцоход нь санхүүгийн дэмжлэг үзүүлэхээ илэрхийлэв.
Монголын Цанын холбооны удирдлагууд тамирчдын амжилтыг сайжруулах, өвлийн аялал жуулчлалыг хөгжүүлэхэд өвлийн спортын нэгдсэн бааз, бэлтгэлийн төв чухал ач холбогдолтойг дурдаад энэ тал дээр цаашид хамтран ажиллахыг хүсэв.
Мөн МҮОХ-ны “Бөртэ Чоно” Тэргүүн дээд шагналд “Өвлийн спортын шилдэг тамирчин” номинацийг оруулж өгөхийг хүслээ. Ингэснээр өвлийн спортын тамирчдад маш том урам өгсөн үйл явдал болно хэмээн онцлов.
|
Спорт
