Б.УУГАНБАЯР
Монголчууд бидний хийх ажил багасаж амрах амралт нь олон болоод ирэхээр хэл амаа билүүдэж өөр хоорондоо хэл амаа уралцах нь ихэсдэг юм шиг ээ. Энэ сард тохиосон "хишиг өдөр"- үүд буюу дарааллан амарсан хоёр өдрийг өөр хоорондоо толхилцож түлхэлцэж амарсан хоёр эрхмийн "жиргээг" онцольё.
Ерөнхийлөгчийн Тамгын Газрын дарга Зандаахүүгийн Энхболд өөрийн твитертээ "К-Попыг дууриасан М-Поп амжилт олоогүй" гээд жиргэчихэж. Хийх ажилгүй уйдсан юм болов уу, эсвэл дуучин Д.Болдыг жаахан хатгамаар санагдсан уу ёстой чөтгөр бүү мэд. Харин шидсэн чулууг тосож аваад буцаагаад улам хүчтэй шиддэг бидний зан юм хойно Төрийн соёрхолт маань хариу жиргээг харин ч нэг жинтэй өгчээ. Тэрээр "Миний хийсэн бүтээснийг Энхболд та хэмжихгүй ээ. Таныг жоохон байхад би дуулаад л явж байсын. Одоо та том болж. Гэхдээ ухаан чинь өндөртэйгөө адилхан богино юм" хэмээжээ.
|
Нийгэм
