АДМИН
NBA-ын талбайд өнөөдөр 9 тоглолт боллоо. Өрнөд бүсийг тэргүүлэгч Лос Анжелес Лейкэрс талбайдаа Даллас Мавирекс багтай тоглолоо. Хоёр баг энэ жил 4 удаа тоглох бөгөөд эхний тоглолтдоо Лейкэрс эцсийн мөчид хожсон билээ. Харин дараагийн учраа өнөөдөр таарсан бөгөөд эхний хагаст хоёр баг энэ тэнцүүхэн өрсөлдөж 3 онооны илүүгээр Лейкэрс хожиж төгсгөсөн юм. Харин гуравдугаар үед Далласын холын шидэлтүүд орж эхэлснээр эсрэг багаас 18 оноог илүү авч дуусгажээ. Шийдвэрлэх үед тэд оноог ойртуулахгүй байлгаснаар 114-100 харьцаагаар бут ниргэж дуусгалаа. Улмаар Лейкэрсын 10 дараалсан хожлыг зогсоосон бөгөөд Лейкэрс улирлыг 17 хожил, 3 хожигдолтой боллоо. Харин Даллас 13 хожил, 6 хожигдолтой бол өрнөд бүсийн 4-р бичигдэж байна. Тус тоглолтод Лука Дончис 27 оноо, 9 самбар, 10 дамжуулалтаар багаа тэргүүллээ.
|
Нийгэм
