Манай улс коронавирусийн халдвар тархсан улс орнуудаас ирэх хүсэлт гаргасан иргэдээ тусгай үүргийн онгоцоор татаж авсаар байна. Энэ нь иргэнээ гэсэн төр засагтай, иргээд ирэх нутагтай гэдгийг нь мэдрүүлсэн үйл явдал болж байна. Гэвч АН-ын дарга хувиа хичээж, довоо шарлуулжсан мэдэгдэл хийж олон нийтийг бухимдуулсан. “Хүний нутгаас өвчтэй хүн  импортолж иргэдээ эрсдэлд оруулж байна” гэсэн түүний үг өөрийнх нь үнэн төрхийг илчиллээ.

Олон нийтийн эрх ашгийн төлөөх том намыг удирдаж буй УИХ-ын гишүүний амнаас ийм үг гарна гэдэг итгэмээргүй. Харамсалтай нь тэр ингэж хэлээд зогсохгүй үүнийхээ төлөө уучлалт ч гуйсангүй. Мөн нүд үзүүрлээд буй гадаадаас ирсэн иргэдийн дотор нь намынх нь дэд дарга Б.Дэлгэрмаа байгаа юм байна. Тодруулбал, АН-ын дэд дарга Б.Дэлгэрмаа гадаадаас ирээд тусгаарлагджээ. С.Эрдэнэ даргын хэлж байгаагаар бол албатай юм шиг гадаад явсан Дэлгэрмааг эх оронд нь авч ирэхгүй тэнд нь үлдээх байсан бололтой. Намынхаа даргын энэхүү байр суурийн талаар дэд дарга Б.Дэлгэрмаа нь ямар байр суурьтай байгаа нь сонирхолтой байна. Өөрөө гадаадаас тусгай үүргийн онгоцоор ирсэн тэр л лав даргынхаа хэлсэн үгийг зөв гэхгүй л болов уу.