АДМИН
Энэ оны 03 дугаар сарын 12-ны өдрийн 16 цаг 30 минутын үед Булган аймгийн Сэлэнгэ сумын ... дүгээр багийн нутаг дэвсгэрт “Эмэгтэй хүн нас барсан байдалтай байна” гэх дуудлага, мэдээлэл цагдаагийн байгууллагад бүртгэгджээ.
Мэдээллийг Булган аймаг дахь цагдаагийн газраас шалгахад 2022 оны 02 дугаар сарын 16-ны өдөр Орхон аймгийн Баян-Өндөр сумын ..... тоот оршин суух хаягаасаа сураггүй алга болж Орхон аймаг дахь цагдаагийн газраас эрэн сурвалжлагдаж байсан 24 настай, эмэгтэй, М.С нь гадны нөлөөтэй амь насаа алдсан болох нь тогтоогдсон байна.
Орхон аймаг дахь цагдаагийн газраас оршин суух газраасаа сураггүй алга болсон иргэн М.С-ийн алга болсонд 52 настай, эрэгтэй Б.Б гэгчийг холбогдуулан шалгаж байх хугацаанд буюу 2022 оны 02 дугаар сарын 19-ний өдөр Орхон аймагт өөрийнхөө амь насыг хохироосон байдалтай олдсон.
Одоогоор дээрх хэргүүдэд нутаг дэвсгэр хариуцсан цагдаагийн байгууллагаас мөрдөн шалгах ажиллагааг явуулж байна.
Эх сурвалж: Цагдаагийн ерөнхий газрын хэвлэл, мэдээллийн төв
|
Нийгэм
