АДМИН
Өвөрхангай аймгийн Уянга сумын Таац багийн “Баруун голын шаахам зураа” гэдэг газар /аймгийн төвөөс баруун хойд зүгт 190 км-т, сумын төвөөс баруун зүгт 120 км-т/ бага насны хүүхэд 5 сарын 15-ны өдрийн 17:30 цагийн орчим гэрийнхээ гадна тоглож байгаад сураггүй болсон тухай дуудлагыг 5 сарын 16-ны өдрийн 05:35 цагт хүлээн авсан. Тус сумын Таац багийн Засаг даргаар ахлуулсан сумын мэргэжлийн ангийн алба хаагчид, орон нутгийн иргэд С /3 настай, эрэгтэй/-г эрэн хайх ажиллагааг зохион байгуулж 5 сарын 16-ны өдрийн 10:29 цагт тус багийн “Уст толгой” гэдэг газар /гэрээс нь хойд зүгт 7 км/-аас эсэн мэнд олсон. Хүч нэмэгдүүлэн ажиллахаар явсан тус аймгийн Онцгой байдлын газрын бүлгийг 15:20 цагт тус сумын Жаргалант багийн “Ганц мод” гэдэг газраас буцаасан байна.
|
Нийгэм
