АДМИН
Хөвсгөл аймгийн Бүрэнтогтох сумын Эрчим багийн “Хилэнтийн гүүр” гэдэг газар /аймгийн төвөөс урд зүгт 7 км, сумын төвөөс зүүн хойд зүгт 44 км-т/ “Дэлгэр” мөрөний ус руу 1 эрэгтэй хүн үсэрч, живсэн тухай дуудлагыг 5 сарын 6-ны өдрийн 17:49 цагт аймгийн Онцгой байдлын газар хүлээн авч 5 сарын 11-ний өдөр хүртэл эрэн хайх ажиллагааг зохион байгуулсан боловч үр дүнд хүрээгүй тул ар гэрийнхэнтэй нь зөвшилцөж зогсоосон байсныг дахин эрэн хайх хүсэлтийг 5 сарын 16-ны өдөр ар гэрээс нь ирүүлсэн. Тус аймгийн Онцгой байдлын газрын Эрэн хайх, аврах салбарын алба хаагчид иргэн Б /54 настай, эрэгтэй/-ийг 5 сарын 16-ны өдрийн 14:30 цагаас эхлэн Эрчим багийн “Хилэнтийн гүүр”-нээс Түнэл сумын Баян-Эрхэт багийн “Баян-Эрхэт” гэдэг газар хүртэл 50 км-т завиар, 3 метрийн гүнд 8 удаа шумбалт хийсэн боловч үр дүнд хүрээгүй тул 21:23 цагт түр зогсоосон. 05 сарын 17-ны өдрийн 09:00 цагт эрэн хайх ажиллагааг дахин эхлүүллээ.
|
Нийгэм
