Б.УУГАНБАЯР
Нийслэлийн Засаг даргын 2022 оны “Газрын зөрчил арилгах” тухай захирамжийн хүрээнд сургууль, цэцэрлэгийн орчим болон орц, гарц хаасан, авто замын үзэгдэх орчин хязгаармагдмал байршил дахь зөвшөөрөлгүй барьсан тоосгон гараашуудыг буулгаж байгаа. Өнгөрөгч пүрэв гарагт Сүхбаатар дүүргийн Газар зохион байгуулалтын албанаас 4 дүгээр хороо, 45-р сургуулийн хойд талын зөвшөөрөлгүй 12 гараашийг буулгаж, газар чөлөөлөх ажлыг хийлээ. Энэхүү чөлөөлсөн газарт авто машины ил зогсоол хийж, явган хүний замыг өргөтгөхөөр төлөвлөсөн. Өнөөдрийн байдлаар дүүргийн хэмжээнд 8 байршилд 115 гараашийг буулгаад байна.
|
Нийгэм
