Б.УУГАНБАЯР
Хөвсгөл аймагт үйл ажиллагаа явуулдаг “Бэлтэс мөрөн” ХХК нь 2021 оноос эхлэн богино хугацаанд ихээхэн хэмжээний ашиг олох боломжийг амлах замаар орон нутгийн иргэдээс санхүүгийн эх үүсвэр татан төвлөрүүлжээ. Гэрээгээр хүлээсэн үүргээ бусдад шилжүүлэх зэргээр иргэдийг хохироох бодит эрсдэл бий болгосон гэж үзэн төрийн байгууллагын зүгээс үйл ажиллагаа явуулахыг хориглосон ба гэрээ хийсэн иргэдийн мөнгийг буцаан олгох чиглэл өгсөн. Тус компаниас 2022 оны 5 сарын 11-ний өдөр гаргасан мэдэгдэлдээ " Иргэдийн мөнгийг 2022 оны 5 сарын 16-наас эхлэн буцаан олгохоор ажиллаж байна" гэсэн ч 2022 оны 5 сарын 16-ны өдөр гаргасан мэдэгдэлдээ иргэдийн буцаан олголтын 5 сарын 16-наас олгох боломжгүй болсон ба 5 сарын 25 дотор буцаан олголтыг хийнэ хэмээн мэдэгджээ.
|
Нийгэм
