Dark Light
Нийгэм | 2022-08-07

Зээлдэгчид хохиролтой өндөр хүү тогтоосон бол ...

СЭТГҮҮЛЧ | АДМИН
Image

Иргэн Т 205 сая 163 мянга 356 төгрөгийг иргэн А-аас нэхэмжлэн шүүхэд ханджээ. Учир нь иргэн А-гийн зээлсэн мөнгөний хүү 30 сая 938 мянга 356 төгрөг, тохиролцсон хугацаандаа төлөөгүй алданги 174 сая 225 мянган төгрөгийг ийнхүү нэхэмжилсэн юм.

“А” бизнесийн үйл ажиллагаандаа зориулж “Т”-ээс 230 сая төгрөг зээлсэн. Ингэхдээ сарын 10 хувийн хүүтэйгээр 2 сар 10 хоногийн хугацаатай, хугацаа хэтэрсэн тохиолдолд хоног тутам 0.5 хувийн алданги төлөхөөр тохирсон нь ийнхүү шүүхэд дуудагдахад хүргэжээ.

“Т” тохиролцсоны дагуу дээрх мөнгөн дүнг “А”-аас нэхэмжлэх эрхтэй ч зээлдэгчийн эрх ашигт илт хохиролтойгоор хүү тогтоогдсон бол зээлдэгчийн хүсэлтээр хүүг багасгаж болохоор, анзын хэмжээ илт их байвал хэргийн нөхцөл байдлыг харгалзан багасгаж болохоор хуульд заасан байдаг. 

“А”-ийн зүгээс цар тахалтай холбоотойгоор бизнесийн нөхцөл байдал хүндэрснийг харгалзан зээлийн хүүг 5 хувиар багасгаж, 68 сая 142 мянган 953 төгрөг төлж, алдангийг төлөхгүй байх хүсэлтэй байгаагаа шүүхэд илэрхийлжээ.

Шүүх хэргийг шийдвэрлэхдээ цар тахлын нөхцөл байдал, дээрх хуулийн заалтыг үндэслэн зээлийн сарын хүүг 5 хувь, алдагийг 60 хувиар тус тус бууруулж, “А”-аас 84 сая 123 мянга 289 төгрөгийг гаргуулж Т-д олгохоор тогтоожээ. Улмаар “Т” нь “А”-д хохиролтой өндөр хүү тогтоосны улмаас нэхэмжилсэн 121 сая 40 мянга 69 төгрөгийг авч чадаагүй юм.

Хянан найруулсан: Шүүхийн ерөнхий зөвлөлийн Хэвлэл мэдээллийн хэлтэс

Энэ хураангуй нь шүүхийн шийдвэр биш бөгөөд түүнийг орлохгүй. Зөвхөн олон нийтэд  ойлгомжтой байдлаар  мэдээлэн хүргэх зорилготой болно. 

Боловсруулсан: Хан-Уул дүүргийн Иргэний хэргийн анхан шатны шүүхийн Ерөнхий шүүгч Д.Даваасүрэн


Сэтгэгдэл бичих
Нийгэм
Улс төр
Өдөр тутмын мэдээ
Эрүүл мэнд
Урлаг соёл
Спорт
Гадаад
Эдийн засаг
Үзвэрийн хувиарууд
Image
2026.11.14
Үзвэрийн хувиарууд
Image
2026.11.11-ээс
Үзвэрийн хувиарууд
Image
2026.12.02, 03
Үзвэрийн хувиарууд
Image
2027.03.07, 08