Б.УУГАНБАЯР
Баянзүрх дүүргийн нутаг дэвсгэрт байрлах барилгын ухлагаас гарсан бохир усыг Сэлбэ голд нийлүүлж байна гэсэн иргэний мэдээллийн дагуу 2022.08.09-ний өдөр Нийслэлийн Мэргэжлийн хяналтын газар, Баянзүрх дүүрэг дэх мэргэжлийн хяналтын хэлтэс, Экологийн цагдаагийн алба хамтран газар дээр нь очиж шалгаж ажиллалаа.
Шалгалтаар “Хаус инвест” ХХК нь 2022.04.17-ны өдөр “Геодези, усны барилга байгууламжийн газар” ОНӨААТҮГ-тай байгуулсан ГУББГ-2021/У21 дугаартай “Шугам сүлжээ, далан суваг ашиглаж хөрсний ус шавхах гэрээ”-г байгуулан барилгын хөрснөөс гарсан шүүрлийн усыг шавхан зайлуулж Сэлбэ голд нийлүүлж байсан нь Усны тухай хуулийг зөрчсөн байх тул зөрчлийг шалгуулахаар Нийслэлийн мэргэжлийн хяналтын газарт шилжүүлэн ажиллалаа.
|
Нийгэм
