Б.УУГАНБАЯР
Засгийн газрын өнөөдрийн хуралдаанаас гарсан зарим шийдвэрийг БШУЯ-ны сайд Л.Энх-Амгалан танилцууллаа. Тэрээр: "Цахим үндэстэн хөтөлбөрийг эрчимжүүлэх асуудлыг Засгийн газрын хуралдаанаар хэлэлцлээ. Өнөөдрийн байдлаар 21 аймгийн 1200 үйлчилгээ, улсын хэмжээнд төрийн 685 үйлчилгээ цахимжсан байна. Мөн уул уурхайн салбарын тусгай зөвшөөрөл, замын хураамжийг цахимжуулахаар ажиллаж байна.
Одоогийн байдлаар 252 мянган хүн тоон гарын үсэг авсан. Иргэд тоон гарын үсгээр бүх төр, хувийн хэвшлийн үйлчилгээг хаана байгаагаас үл шалтгаалан авна. Цаашид нотариат хэрэггүй болох боломжтой" гэлээ.
|
Нийгэм
