АДМИН
Хөвсгөл аймаг, Рэнчинлхүмбэ сум, Хоолойн зах багийн "Тэнгис" гэдэг газарт “Тэнгис-Шишгэд”-ын голд 3 хүн моторт завиар зугаалж яваад завь нь хөмөрч 2 хүн нь эсэн мэнд гарч, 1 хүн нь осолдсон тухай дуудлагыг наймдугаар сарын 3-ны өдрийн 19:08 цагт Онцгой байдлын газарт ирүүлжээ. Хөвсгөл аймгийн Онцгой байдлын газрын Эрэн хайх, аврах салбарын алба хаагчид иргэн П/36 настай, эрэгтэй/-ийг эрэн хайх ажиллагааг зохион байгуулахаар наймдугаар сарын 3-ны өдрийн 20:44 цагт ангиас гарч, Цагааннуур суманд наймдугаар сарын 4-ний өдрийн 10:50 цагт очсон. Алба хаагчид цааш завьтай явж анх осолдсон газарт 15:02 цагт очиж уснаас эрэн хайх ажиллагааг зохион байгуулан 20:37 цагт түр зогсоож, наймдугаар сарын 5-ны өдрийн 06:00 цагт дахин эхлүүлсэн.
|
Нийгэм
