С.ОТГОНБАЯР
2025-2026 оны хичээлийн жилд МУИС, АШУҮИС, ШУТИС, ХААИС, МУБИС-ийн оюутны дотуур байрны төлбөрийн мэдээллийг хүргэж байна.
МУИС-ИЙН ДОТУУР БАЙРНЫ ТӨЛБӨР 1 САЯ 80 МЯНГАН ТӨГРӨГ
МУИС-ийн дотуур байрны төлбөр 2025-2026 оны хичээлийн жилд 1 сая 80 мянган төгрөг байна. МУИС нь Оюутны 6 дотуур байртай. Оюутны 1-p байр Бага тойруу, 6-р хороо /Хичээлийн 2-р байрны хойно/
- Оюутны 2-p байр Бага тойруу, 6-р хороо /Хичээлийн 2-р байрны хойно/
- Оюутны 3-p байр СБД"ийн 8-р хороо, Оюутны А хотхон
- Оюутны 4-p байр Дашчойлин хийдийн зүүн талд
- Оюутны 5-p байр СБД-ийн 8-р хороо Оюутны А хотхон
- Оюутны 6-p байр СБД-ийн 8-р хороо спортын төв ордны зүүн талд тус тус байрладаг.
2024 онд тус сургуулийн дотуур байрны төлбөр дунджаар 800 мянган төгрөгөөс эхэлж байжээ.
АШУҮИС-ИЙН ДОТУУР БАЙРНЫ ТӨЛБӨР 1 САЯ ТӨГРӨГ
АШУҮИС-ийн дотуур байрны төлбөр 2025-2026 оны хичээлийн жилд 1 ая төгрөгийн үнэтэй байна.
1-р дотуур байр нь 360 оюутны багтаамжтай. Нийт 102 өрөөтэй. Үүнээс эмэгтэй 85, эрэгтэй 17 өрөөтэй. Оюутны 1-р байр Баянзүрх дүүргийн 6-р хороонд байрладаг.
2-р дотуур байр нь 360 оюутны багтаамжтай. Нийт 95 өрөөтэй. Үүнээс эмэгтэй 78, эрэгтэй 17 өрөөтэй. Оюутны 2-р байр Баянзүрх дүүргийн 6-р хороонд байрладаг.
3-р дотуур байр 864 оюутны багтаамжтай. Нийт 108 өрөөтэй. Үүнээс эмэгтэй 88, эрэгтэй 22 өрөөтэй. Оюутны 3-р байр Баянзүрх дүүрэг 12-р хороонд байрладаг.
2024 онд тус сургуулийн дотуур байрны төлбөр 500-650 мянган төгрөгийн төлбөртэй байжээ.
ШУТИС-ИЙН ДОТУУР БАЙРНЫ ҮНЭ 500 МЯНГАН ТӨГРӨГ
ШУТИС-ийн дотуур байрны төлбөр 2025-2026 оны хичээлийн жилд 500 мянган төгрөгийн үнэтэй байна. Тус сургууль нь оюутны 5 дотуур байртай. Энэ жил тус сургууль дотуур байрныхаа үнийг нэмээгүй. 30 мянган төгрөгийн барьцаа аван оюутнуудаа хүлээн авч байгаа юм.
ХААИС-ИЙН ДОТУУР БАЙРНЫ ТӨЛБӨР 1-1.3 САЯ ТӨГРӨГ
ХААИС-ийн дотуур байрны төлбөр 2025-2026 оны хичээлийн жилд 1-1.3 САЯ төгрөгийн үнэтэй байна.
Тус сургууль оюутны 3 дотуур байртай. 100 мянган төгрөгийн барьцааг байршуулна. Өнгөрсөн онд ХААИС-ийн дотуур байрны төлбөр 700-800 мянган төгрөг байжээ.
МУБИС-ИЙН ДОТУУР БАЙРНЫ ТӨЛБӨР 890-1.6 САЯ ТӨГРӨГ
МУБИС-ийн сургуулийн оюутны дотуур байрны төлбөр 2025-2026 оны хичээлийн жилд 890-1.6 сая төгрөгийн үнэтэй байна.
Тус сургууль оюутны 4 дотуур байртай.
|
Нийгэм
