АДМИН
“Булганы сэргэлт", "Эрүүл Булган", "Эрүүл шүд” хөтөлбөрийн хүрээнд ажиллаж буй Япон улсын шүдний эмч, мэргэжилтнүүдийг Булган аймгийн Засаг дарга Д. Пүрэв-Очир хүлээн авч уулзлаа. Тус хөтөлбөр нь 16 хүртэлх насны хүүхдийн шүд, амны хөндийн эрүүл мэндийг сайжруулах, үзлэг, эмчилгээ, зөвлөгөө өгөх зорилготой бөгөөд Япон-Азийн эрүүл мэндийг дэмжих байгууллага, “Ц.Бадрал” сан, АШУИС-ийн Нүүр ам судлалын сургууль, Булган аймгийн нэгдсэн эмнэлгийн шүдний кабинетын эмч нар хамтран зохион байгуулж, үзлэг явуулж байна.
Өнөөдрийн /2025.08.22/ байдлаар 130 гаруй хүүхдэд шүдний үзлэг, зөвлөгөө, эмчилгээ үнэ төлбөргүй хийгээд байгаа бөгөөд маргааш /2025.08.23/ мөн үргэлжлэх юм. Засаг дарга Д. Пүрэв-Очир хөтөлбөрт оролцож буй бүх эмч, мэргэжилтнүүдэд талархал илэрхийлж, дараагийн удаад Япон улстай хамтран зохион байгуулах боломжит саналуудыг харилцан солилцлоо.
|
Нийгэм
